Krankenhuus Oosterholt

Vun Wikipedia
Zur Navigation springen Zur Suche springen

Dat Kreiskrankenhuus Oosterholt is dat Krankenhuus för den Landkreis Oosterholt in de Stadt Oosterholt-Scharmbeek. Dat liggt an de Straat An’t Krankenhuus.

Historie[ännern | Bornkood ännern]

Dat Kreiskrankenhuus Blomendal för’n Kreis Blomendal is 1904 grünnt worrn. De Kreis Oosterholt harr to de Tied keen egen Krankenhuus. Nadem 1932 de Kreise Blomendal un Oosterholt tohoopleggt worrn sünd, hett de ne’e Kreis Oosterholt denn dat Krankenhuus Blomendal as Kreiskrankenhuus bruukt. Aver al 1939 is dör de Veerte Verordnung över den Neeopbo von dat Riek Blomendal Deel von Bremen worrn un de Kreis Oosterholt hett sien Krankenhuus verloren. De Kreis hett dor 900.000 Rieksmark as Utgliek för kregen. In’n Tweten Weltkrieg hebbt se denn 1944 en Hülpskrankenhuus in de Gewerbliche Beroopsschool an de Linnenstraat in Oosterholt-Scharmbeek inricht. Dat harr 135 Bedden.

Na’n Krieg schull denn en Krankenhuus in Oosterholt-Scharmbeek neet boot warrn. 1954 is dat Swesternwahnheim in’n Upmannschen Park boot worrn un dor blangenan schull ok dat ne’e Krankenhuus hen. Dat is denn aver doch noch wedder anners worrn un dat Krankenhuus is an sien hüdige Steed boot worrn. Plaant hett den Neebo Architekt Wilhelm Wietfeld ut Hannover. In’n Harvst 1955 is de Bo anfungen worrn un 1957 is he trech worrn. Dat Krankenhuus harr denn 165 Bedden.

Weblenken[ännern | Bornkood ännern]


Koordinaten:53° 14′ N, 8° 48′ O