Korf

Vun Wikipedia

Dit Woort hett noch annere Bedüden: kiek dorför ünner Korf (Mehrdüdig Begreep).

verscheden Körf

Korf (m., pl. Körf) is een Gelaat to’n Upwohren un Dregen vun allerhand Aavt, Gröönkraam usw. Maakt wern de Körf in Düütschland fröhertiets in’e Hauptsaak ut Wiedenruten, woför dat ok enen egen Beroop geev, de Korfflöchters. Johrhunnerte lang sünd dorför överall Wieden anplant un bukt worrn, wobi in jedeen Johr de Ruten afsneen, schellt, deelwies opklöövt, un dröögt worrn sünd. To’n Flöchten ward de Ruten wedder natt maakt un sünd dormit lichter to bögen.

In annere Gegend vun de Welt wöör ok anneres Holt, Bambus oder Gras to’n Flöchten vun Körf hernahmen.

Hüttodags gifft dat ok all allerhand Körf in de ollen Form, abers ut Iesendraht oder ut Plastik.

Weblenken[ännern | Bornkood ännern]

Korf. Mehr Biller, Videos oder Audiodateien to’t Thema gifft dat bi Wikimedia Commons.