Kodominanz
De Begreep Kodominanz kummt ut de Genetik. Dorvun warrt snackt, wenn beid Allelen vun en enkelt Gen, d. h. vun de Moder as ok vun’n Vadder, in’n heterozygoten Tostand liek stark op den Phänotyyp Inwirken doot.
De Phänotyyp billt dorbi keen homogene Mischform ut, as dat bi’n intermediären Arvgang is, man de Genprodukten vun beid Allelen warrt vullstännig exprimeert un de tohörenden Markmolen warrt unafhangig vun’anner utbillt.
En bekannt Bispeel för kodominanten Arvgang sünd de Bloodgruppen vun’t AB0-System. Eenfacher to verstahn is de Kodominanz an’t Bispeel vun dat weniger bekannte MN-Bloodgruppensystem.