Kniep

Vun Wikipedia
Zur Navigation springen Zur Suche springen

Disambig.svg Dit Woort hett noch annere Bedüden: kiek dorför ünner Kniep (Mehrdüdig Begreep).

Een Kniep (f. pl. Kniepen) ok Geldkniep nöömt, is een besünnere Tasch oder Büdel to’n opwohren vun Geld un allns wat hüüttodags dorto höört. So een Kniep is öftmals ünnerdeelt: Een Fack is föör Schiens, eent föör Hattgeld, un modern sün besünner Fäcker föör EC-Koort un Kreditkoorten. Mookt sün de Kniepen tomehrst ut Ledder oder Kunststoff. För de Mannslüüd süüt een Kniep mihrstens eckig ut un is so groot, dat se in’e Böxen- oder Jackentasch passen deit. För de Froonslüüd gifft de Kniepen in jedeen Form, Grött un Farv, se mutt denn blots inne Handtasch rinpassen. Solang de Minschen mit Geld ümgaht, hebbt se woll ok all Kniepen hat, op Biller süüt’n jüm all bi de oolen Ägypters.