Klucken
Klucken (poolsch Kluki, kaschuubsch Klëczi) is en Dörp mit bi 90 Inwahners in de Gemeen Smolschin, Kresi Stolp, Woiwodschop Pommern in Polen.
Klucken weer de letzte Oort, woneem noch de Slowinzen ehr ole Spraak Slowinzisch in Bruuk wesen is. De letzten Snackers sünd na 1945 doodbleven. Dorvun is de Oort siet 1963 ok Museumsdörp (Slowinzisch Dörpmuseum) un Deel vun’n Slowinzischen Natschonalpark.
En Deel vun de blangen de nablevenen Slowinzen rein düütschen Inwahners is na’n Tweten Weltkrieg vun Polen verdreven worrn. Welk vun de annern, de sik op slowinzische Herkumst beropen kunnen, dröffen blieven. Veel sünd aver later noch wegtrocken. Hüüt is dat Dörp meist rein poolsch.
Inwahnertall
[ännern | Bornkood ännern]| Johr | Inwahners |
|---|---|
| 1910 | 355 |
| 1933 | 680 |
| 1939 | 661 |
Spraak
[ännern | Bornkood ännern]Volksspraak weer vun öllers her Slowinzisch. In de Tiet vör 1945 hett dat pommersche Plattdüütsch as Volksspraak jümmer mehr Foot faat. Schriftspraak weer för Slowinzen un Plattdüütsche jümmer Hoochdüütsch. Na 1945 sünd veel vun de Düütschen verdreven worrn. Hoochdüütsch harr nu kenen Platz mehr, Schriftspraak un Ümgangsspraak för de nee totrockenen Lüüd weer denn Poolsch. Slowinzisch is na 1945 utstorven un ok Plattdüütsch warrt nich mehr snackt, nadem de olen Dörpslüüd doodbleven oder wegtrocken sünd. Hüüt is dat Dörp kumplett poolsch.
Koordinaten:54° 40′ N, 17° 20′ O