Klooster Reepsholt
Dat Klooster Reepsholt weer dat eerste Klooster in dat hüdige Oostfreesland. Reepsholt is hüüd en Ortschap vun de Gemeend Freebörg.
Dat Klooster wurrd oorkundlich in en Dekret vun Kaiser Otto II. ut dat Johr 983 upföhrt. Dat leeg in de Go Östringen. Dat Bisdom Bremen hett dat Klooster mit 12 Chorherren besett, de aber kien Oorden anhörrn deen. De Patron van’t Klooster weer St. Mauritius.
As Gemeendkark harr man in de Oort de St. Mauritius Kark. Dat Klooster leeg ruch weg 200 m süüdööstlich un harr en eegen Kloosterkark.
In dat Johr 1434 verlor dat Klooster völ Land dör Stormflooten un wurr arm. Dat Klooster hebbt se denn 1543 afbroken. 1983 hett man up de Kloosterstää en Gedenksteen erricht.
Literatur
[ännern | Bornkood ännern]- Im Galopp um die Hügel und ab in die Erde! Aus der Geschichte des Klosters Reepsholt. In: Ostfriesland Magazin 1986, Nr. 5, S. 26