Klock vun Haddeby

Vun Wikipedia
Klock vun Haddeby
Oord (fröher) Haithabu
Oord nu Wikinger-Museum Haithabu
Geograafsche Laag
Koordinaten:54° 30′ N, 9° 34′ O
54° 30′ N, 9° 34′ O
Form Immenkorv
Ut Bronze
Slagtoon kann nich mehr lüüdt warrn
Gaten ~950
Dörmeter 42 cm
Gewicht 29 kg

De Klock vun Haddeby is en ole Karkenklock, de se in Haddeby funnen hebbt. Dat is de öllste bekannte noch ganze Karkenklock in Noordeuropa.

1978 weren Lüüd vun dat Institut för Geophysik vun de Universität Kiel bi in de Neegd vun dat ole Haithabu dat Haddebyer Noor to vermeten un sünd dorbi dör Tofall op de Klock stoten. Dukers hebbt ehr denn rophaalt. De Klock schall so ut de Tied üm 950 stammen un steit nu in dat Wikinger-Museum Haithabu. Dat Amt Haddeby wiest de Klock blangen dat Wikingerschipp vun Haddeby nu ok in sien Wapen.

1981 hebbt se en Dokumentarfilm över dat Bargen un dat Nageten vun de Klock dreit, de Die Glocke von Haithabu heten hett. De bi de Geteree Rincker in Sinn nagatene Klock is nu vör dat Wikinger-Museum Haithabu ophangen un kunn ook lüüt warrn.

2004 hebbt se de Klock noch wedder nageten laten. Disse Kopie is nu in dat Klockenmuseum in Herrenberg un hett en Slagtoon vun b²+7.

In Haithabu harr dat ok al vör disse Klock en annere Klock geven. En Schöör vun disse öllere Klock hebbt se ok in Haddeby funnen. To disse Klock seggt se Ansgar-Klock to, denn Ansgar weer dat, de 849 de eerste Kark in Haithabu boon dröff un 854 ok vun’n däänschen König Horik Verlööv kregen hett, en Klock to lüden. De Forschers gaht dor vun ut, dat de Schören ut Haddeby vun disse Klock vun 854 stammt.