King Orgasmus One

Vun Wikipedia
Zur Navigation springen Zur Suche springen

King Orgasmus One is de Ökelnaam vun den düütschen Rapper un Produzenten vun Pornofilmen Manuel Romeike (* 9. Dezember 1979 in Berlin) ut Berlin.

In siene Filmen is he bloß as Produzent oder as Mann achter de Kamera togange. He maakt dor nie nich süms mit. In siene Leeder rappt he över Party, Drogen, Sex un Gewalt. He warrt as en vun de Rappers in Düütschland ankeken, de sik an'n meisten över Froonslüde hermaken doot (Sexismus). He meent vun sik süms, he weer een vun de „hartsten Rappers in Düütschland“. Een Fiend vun de Froonslüde weer he ok. Sien CD Fick mich...und halt dein Maul (Fick mi un hool dien Babbel) is 2003 rutkamen un 2004 up den Index vun de Bundesprüfstelle für Jugendgefährdende Medien kamen. King Orgasmus One weer een vun de Rappers, de ehr Naam vun de Vörsittersche vun den Medienutschuss in den Düütschen Bundsdag, dat weer de SPD-Politikersche Monika Griefahn, nömmt wurrn sünd, as dat in'n Juni 2005 dor üm güng, dat Hip-Hop-Leeder un Videos in dat Radio un in'n Fernsehen mehr kuntrolleert weern schollen.

Geschicht[ännern | Bornkood ännern]

Orgasmus hett al 1996 regelmatig Platten upleggt un to de ehren Beat rappt. To'n Utgliek vun den däglichen Stress up de Arbeit harr he dormols beslaten, he woll nu süms Musik produzeern un dor ok en beten Geld mit bito verdenen. Bit 1998 hett he ünner den Ökelnaam Def Bringer arbeit'. As he mit den Bus up de Straten langsföhr, wo de Punken (Horen) vun Berlin arbeiden döen, keem em dat Woortspeel Ohrgasmus in'n Sinn. He besloot, dat scholl nu sien neen Naam weern. As dat up'n Cover utseeg, as en Druckfehler, hett he dat denn later in Orgasmus ännert.

Up sien eerstet richtiget Stuck is Orgasmus noch mit sienen olen Schoolfrund Frauenarzt to hören. De hett ok sien Band Sexkönig produzeert.

De eersten beiden Albums vun Orgasmus sünd bi dat Label Bassboxx rutkamen. Dat eerste Album hett sik al goot verkopen laten, man in dat Johr 2000 güng dat mit dat twede Album „Es gibt kein Battle“ (Dat gifft keen Battle) richtig los.

Een Johr later hett Orgasmus dat Label verlaten, vunwegen dat he sik mit de Lüde vertöörnt harr un nu nich mehr mit jem tohopenarbeiden müch. He hett denn sien egen Label upmaakt, dat heet I Luv Money Records. Dor is denn ok sien drüddet Album Tag der Abrechnung (Hüüt warrt afrekent) bi rutkamen. Ok dat veerde Album Mein Kampf- Musik für Männer (Mien Striet- Musik för Mannslüde) weer en groden Erfolg, man dat föffte Album Fick mich...und halt dein Maul (Fick mi...un hool dien Babbel) keem up'n Index vun de Bundesprüfstelle. Sien Debüt Sexkönig is an'n 19. Mai 2006 beslagnahmt wurrn. Dat is nu ok för de Groden verboden, nich bloß för de Jöögd.

Anner Naams[ännern | Bornkood ännern]

King Orgasmus One is ok unner allerhand annere Naams uptreden. Meist weern de ähnlich, as sien Künstlernaam un he heet denn Orgi, Orgi 69, Orgasmus un King Orgasmus.

Albums[ännern | Bornkood ännern]

  • 1999 Sexkönig (up'n Index)
  • 2000 Es gibt kein Battle
  • 2001 Tag der Abrechnung
  • 2002 Berlin Bleibt Hart (Kollabo-Album mit Bass Sultan Hengzt)
  • 2002 Mein Kampf - Musik für Männer (up'n Index)
  • 2003 Fick Mich ...und halt Dein Maul! (up'n Index)
  • 2003 Orgi Pörnchen - Soundtrack
  • 2004 Orgi Pörnchen 2 - Soundtrack
  • 2005 Schmutzige Euros (Kollabo-Album mit Godsilla)
  • 2005 Orgi Pörnchen 3 - Soundtrack
  • 2005 Orgi's Greatest Hits - A.N.A.L. (Alles nur aus Liebe)
  • 2006 Pornomafia (Kollabo-CD mit Frauenarzt)
  • 2006 I Luv Money - Promo Vinyl (6 Tracks, de bit dorhen noch nich rutkamen weern)
  • 2006 OrgiAnal Arschgeil
  • 2006 Orgi Pörnchen 4 – Soundtrack
  • 2007: Schmutzige Euros 2 (Kollabo-Album mit Godsilla)
  • 2007: La Petite Mort
  • 2007: Currywurst mit Darm (as Imbiss Bronko)
  • 2008: Orgi Pörnchen 5 - Soundtrack
  • 2008: Bronko im Kalorienreich (as Imbiss Bronko)
  • 2009: Fleisch Hat Immer Saison (as Imbiss Bronko)

DVDs[ännern | Bornkood ännern]

  • 2003 Orgi Pörnchen 1 - Hip Hop ist Sex... Sex aus Berlin
  • 2004 Orgi on Tour 1 - Live Unzensiert
  • 2004 Orgi Pörnchen 2 - Das Auge fickt mit
  • 2004 Orgi on Tour 2 - Hängengeblieben auf Groupies
  • 2005 Orgi on Tour 3 - Berlin Bleibt Hart
  • 2005 Orgi Pörnchen 3- Atzenträume Werden Wahr
  • 2005 Analyse - Mit der Lupe aufs Arschloch
  • 2006 Orgi on Tour 4 - Haengengeblieben auf Meeresfruechte
  • 2007 Orgi Pörnchen 4 – Liebe auf den ersten Fick
  • 2007 OrgiANAL Arschgeil
  • 2007 Orgistyle
  • 2007 Access All Areas 1
  • 2009 Orgi Pörnchen 5
  • 2009 Access All Areas 2

Uptreden[ännern | Bornkood ännern]

To'n eersten Mol is he uptreden mit de Leeder:

  1. Westberlin Untergrund (Bushido: Demotape 1998)
  2. Die Jagd (Bushido: Demotape 1999)
  3. Ost/West-Konflikt (Frauenarzt: BC)

Upnahmen un produzeert wurrn sünd de Albums unner de Labels Bassboxxx, I Luv Money Records un Pornoboss Production unner annern tohopen mit de Rappers Godsilla, Frauenarzt, Bass Sultan Hengzt, Vokalmatador, MC Bogy, DJ Manny Marc, Mr. Long, MC Basstard, 4.9.0 Clizzic, Serk oder Gino Casino.

Weblinks[ännern | Bornkood ännern]