Kiepenkeerl

Vun Wikipedia
Kiepenkeerl in de Nedderlannen köfft un verköfft Woren bi en Fro vör en Buurnhuus
Dat Kiepenlisettken

En Kiepenkeerl is en Höker, de mit en Kiep op’n Rügg vun Huus to Huus geiht un Saken verköfft. De Kiepenkeerl wannert vun de Stadt op’t Dörp un verköfft oder tuuscht dor to’n Bispeel Solt gegen Eier, Kees un Höhner, de denn in Stadt wedder verköfft warrt. Disse Kiepenkeerls hett dat överall vun’t Suerland bet Hamborg bet in’n Noordoosten vun de Nedderlannen geven.

Verwandte Formen weren de Töddenhannel un de Hollandgangers. All disse Hannelsweeg weren Deel vun dat Noordseesystem.

In Meinerzen un Mönster staht Denkmaals för’n Kiepenkeerl. De Bildhauer Jeff Koons hett ok en Statue vun’n Kiepenkeerl maakt. De is ut Eddelstahl un steiht in Washington. De Radio-Lokalsenner för’n Kreis Koosfeld hett den Naam Radio Kiepenkerl. En Original ut dat märksche Suerland weer dat Kiepenlisettken, de as Fro mit de Kiep ünnerwegens weer.