Kelly Bishop

Vun Wikipedia
Kelly Bishop, 2015

Carole Jane „Kelly“ Bishop (* 28. Februar 1944 in Colorado Springs, Colorado) is en US-amerikaansche Schauspelersche.

Leven und Wark[ännern | Bornkood ännern]

Mit Ünnerstütten vun ehr Mudder hett Bishop al fröh anfungen, Ballettünnerricht to nehmen. In’t Öller vun 18 Johren güng se na New York City, üm Danserin to warrn. Se harr ’n poor lüttere Rullen an’t Broadway-Theater un annere un künn 1975 mit dat Musical A Chorus Line ehrn Dörbrook fiern. För ehr Dorstellen vun de Sheila Bryant is se mit den Tony Award uttekent worrn. Dorna hett se sik dnen aver mehr op ehr Loopbahn as Schauspelersche kunzentreert un weerin Filmen as Private Parts un Dirty Dancing to sehn.

Liekers hett se wieter an’t Theater speelt un hett ünner annern de Rull Ouisa Kettdrigde in John Guare sien Stück Six Degrees of Separation, de se vun Stockard Channing övernahmen harr. In en latere Verfilmen vun dat Stück speel se en Nevenrull. Vun 2000 bit 2007 weer se as Emily Gilmore in de spoodrieke Feernsehreeg Gilmore Girls to sehn. Dor hett se ok wedder mitspeelt, as de Reeg 2016 wedder opnahmen weer.

Bishop hett in eerste Eh Peter Miller heiraat[1]. Siet 1981 is se mit den Talkshowmoderater Lee Leonard verheiraat un leevt in New Jersey, wenn se nich jüst in Los Angeles arbeiten deit.

Filmografie[ännern | Bornkood ännern]

Johr Titel Synchroonsnacker
1966 Step Out of Your Mind  
1978 An Unmarried Woman
dt.: Eine entheiratete Frau
Edeltraut Elsner
1981 Advice to the Lovelorn, Feernsehn
dt.: Was Dich bewegt
 
1982 O’Hara’s Wife
dt.: Spuk im Ehebett
 
1987 Dirty Dancing Marianne Lutz
1988 Ich und Er
int.: Me and Him
 
1988 The Thorns, Feernsehreeg  
1991 Queens Logic
dt.: Geboren in Queens
Kerstin Sanders-Dornseif (1. Synchro)
Sonja Deutsch (Synchro 2006)
1995 Cafe Society  
1995 My Wildest Dreams, Feernsehreeg  
1997 Private Parts Evelyn Gressmann
2000 Wonder Boys
dt.: Die Wonder Boys
 
2000–07 Gilmore Girls, Feernsehreeg Regine Albrecht
Almut Eggert
2011 A Novel Romance  
2012–13 Bunheads, Feernsehreeg
dt.: New in Paradise
Isabella Grothe
2014 Saint Janet  
2016 Gilmore Girls: A Year in the Life, Feernseh-Minireeg
dt.: Gilmore Girls: Ein neues Jahr
Micaëla Kreißler
2018 The Salzburg Story  

Utteken[ännern | Bornkood ännern]

Bishop weer för ehr Filmwark bit hüüt (April 2019) acht mol för Filmpriesen vörslahn un is eenmol ok uttekent worrn. Dat weer 2004 mit den Gold Derby TV Award as Beste Nevendorstellersche in Gilmore Girls. 1976 weer se mit den Tony Award för ehr Rull in dat Musical A Chorus Line ehrt.

Weblenken[ännern | Bornkood ännern]

Kelly Bishop. Mehr Biller, Videos oder Audiodateien to’t Thema gifft dat bi Wikimedia Commons.

Borns[ännern | Bornkood ännern]

  1. Indrag bi filmreference.com