Katheet

En Rechtwinklig Dreeeck. "a" un "b" sünd de Katheten, "c" is de Hypotenuse.

In en rechtwinklig Dreeeck heet de twee körteren Sieden Katheten (Eentall: Katheet, f). Disse twee Sieden billt den rechten Winkel. De drüdde Siet warrt Hypotenuse nöömt.

De Naam kummt ut de greeksche Spraak "Κάθετος/kathetos" (=Loot/Senkblee) un is över latiensch "cathetus" (=lootrechte Lien)to uns kamen.

Ut de Sicht vun en Winkel, de nich de rechte Winkel is, t.B. ut de Sicht vun den Winkel α, liggt een vun de Katheten blangen dissen Winkel un de annere is op de annere Siet. Denn is

• de Ankatheet de Katheet, de blangen dissen Winkel liggt (in dit Bispill: de Siet b)
• de Gegenkatheet de Katheet, de gegenöver liggt (in dit Bispill: de Siet a)

Dissen Ünnerscheed bruukt een t.B. för de Definitschoon vun Sinus un Kosinus.

Kiek ok bi

• Hypotenuse
• Sinus, Kosinus
• rechtwinklig Dreeeck