Karlsruher SC

Vun Wikipedia
Wesseln na: Navigatschoon, Söök

De Karlsruher Sport-Club Mühlburg-Phönix e. V., meist kortweg Karlsruher SC oder KSC , is mit üm un bi 4.600 Liddmaten en vun de gröttsten Sportverenen in de Stadt Karlsruhe in Baden-Württemberg.

De Vereen is 1952 bi dat Tohopengahn vun den Karlsruher FC Phönix mit den VfB Mühlburg tostanne kamen. Tomeist warrt Football speelt: Dat gifft nich bloß de Profi-Mannschop vun de Mannslüde, de vun de Speeltiet 2007/2008 af an wedder in de 1. Bundsliga mitmaakt, man ok en Mannschopp för Froenslüde in de Regionalliga Süüd för Froenslüde, de tweete Mannschop vun de Mannslüde in de Regionalliga Süüd un en Reeg vun Jugendmannschoppen, de alltohopen in högere Klassen speelt.

Bavenhen bedrifft de Vereen noch en Afdeelung för Lichtathletik (1922 upmaakt) un en Afdeelung för Boxsport (1959 upmaakt), man vergleken mit den Football hefft de nich veel to beschicken. In de 1990er Johren hett Sven Ottke för den KSCV boxt un in de 2000er Johren weer Heike Drechsler twee Johr lang bi den Vereen, man vun dor af an hett dat bloß noch för regionale Wettstriet langt.

Historie[ännern | Bornkood ännern]

In veel Sportverenen is de dormols noch junge Sportaart Football gegen dat Enne vun dat 19. Johrhunnert man minnachtig ankeken wurrn. Dor sünd denn in de 1880er Johren de eersten einen Footballverenen üm grünnt wurrn. Üm de Johrhunnertwenn güng dat so wieter. Karlsruhe weer in dat Düütsche Riek in düsse Johren an de Siet vun Berlin en vun de Toppstäder vun den Footballsport. 1889 grünn Walter Bensemann dor, as een vun de öllsten Verenen, den International Football Club. De is al 1891 upgahn in den Karlsruher FV. Dormols geev dat ok noch den FC Karlsruher Kickers, de 1893 upmaakt wurrn weern. 1894 keem denn de Karlsruher FC Phönix hento, en vun de Vörlopers vun den hüdigen Karlsruher SC.

De Mannschop in de Speeltiet 2008/2009[ännern | Bornkood ännern]

Trainer Edmund Becker un de beiden Co-Trainers Peter Gadinger un Ralf Becker hefft al as Spelers bi den KSC mitmaakt. Nu könnt se mit düsse Mannschop in de Speeltiet 2008/2009 antreden:

Door Afwehr Middelfeld Storm
1 Markus Miller Düütschland
14 Jean-François Kornetzky Frankriek
29 Thomas Unger Düütschland
3 Maik Franz Kaptein Düütschland
5 Tim Sebastian Düütschland
16 Martin Stoll Düütschland
19 Stefan Buck Düütschland
21 Christian Eichner Düütschland
24 Sebastian Langkamp Düütschland
27 Stefano Celozzi Düütschland
77 Andreas Görlitz Düütschland
4 Godfried Aduobe Ghana
6 Bradley Carnell Südafrika
8 Timo Staffeldt Düütschland
10 Massimilian Porcello Düütschland Italien
13 Michael Mutzel Düütschland
25 Antônio da Silva Brasilien
28 Lars Stindl Düütschland
7 Christian Timm Düütschland
9 Edmond Kapllani Albanien
17 Joshua Kennedy Australien
18 Sebastian Freis Düütschland
20 Aleksandre Iaschwili Georgien