Karl von Marcard

Vun Wikipedia
Zur Navigation springen Zur Suche springen

Karl Wilhelm Ernst von Marcard (* 13. Juni 1856 in Auerk; † 16. Mai 1900 in Gersfeld[1]) weer en düütschen Verwaltungsbeamten un Politiker.

Von Marcard is 1856 as Söhn von Wilhelmine, borene Gosling (10. Oktober 1831-4. März 1919), un Eduard von Marcard (14. Dezember 1826-17. Dezember 1892) in Auerk boren.[2] He weer op de Gymnasien in Hannover, Berlin un Celle un hett an’n 21. September 1877 sien Abitur maakt.[1] He hett von 1877 bet 1880 an de Universitäten Berlin un Göttingen Juristeree studeert un is dor 1879 Liddmaat von dat Corps Bremensia Göttingen worrn.[3] Na dat Studium is he in’n prüüßschen Justizdeenst gahn. An’n 18. Dezember 1880 hett he dat eerste Staatsexamen an dat Oberlandsgericht Celle maakt un is dor an’n 21. Dezember Gerichtsreferendar worrn.[1] He weer denn an dat Amtsgericht Wenngessen, dat Amtsgericht Aimbeck, dat Landgericht Hilmssen un toletzt bi de Staatsanwaltschop Hilmssen.[1] An’n 2. Februar 1884 is he Regerungsreferendar bi de Regerung in Hilmssen worrn un in’n Verwaltungsdeenst wesselt.[1] He weer denn bi de Landdrostie Hilmssen, bi dat Amt Marienborg un denn bi’n Kreis Marienborg.[1] Denn kemen Statschonen bi’n Magistraat, de Regerung un den Bezirksutschuss in Hilssen.[1] An’n 11. September 1886 hett he in Berlin dat twete Staatsexamen maakt.[1] An’n 20. September is he Regerungsassesser worrn un denn in’n Oktober na de polietsche Polizei in Berlin versett worrn.[1] In’n November 1887 is he an de Regerung in Lümborg versett worrn un weer dor von’n 22. November bet to’n 1. April 1888 Viez-Landraad von’n Kreis Paane.[1] Von’n 7. Mai bet to’n 24. September 1888 weer he kommissarsch Landraad von’n Kreis Soltau.[1] In’n August 1889 is he as Landraad un Nafolger von Gustav August Theodor Krekeler in’n Kreis Gersfeld wesselt.[4] Dor is he bet to sien Dood 1900 Landraad bleven.[5] Na em is Karl von Dörnberg Landraad worrn.

In dat Johr 1900 is he Liddmaat von’n Kommunallanddag Kassel worrn un hett dor to de Düütschkunservative Partei höört. He weer dor Maat von’n Ingavenutschuss.[1] Kort later is he denn aver doodbleven.

He hett an’n 29. Dezember 1887 in Kassel Marie Harnier (15. Oktober 1861-28. August 1933; Dochter von Richard Harnier) freet.[6]

Footnoten[ännern | Bornkood ännern]

  1. a b c d e f g h i j k l Dieter Pelda: Der Provinziallandtag in Hessen-Nassau. 1999, Sied 134f
  2. J. Perthes: Gothaisches genealogisches Taschenbuch der briefadeligen Häuser. 1913, Band 7, Sied 527
  3. Kösener Korpslisten 1910, 63, 873
  4. http://zefys.staatsbibliothek-berlin.de/amtspresse/ansicht/issue/11614109/886/4/
  5. Landkreis Fulda Verwaltungsgeschicht op de Websteed territorial.de (Rolf Jehke)
  6. Hans Friedrich von Ehrenkrook: Genealogisches Handbuch des Adels. 1970, Band 46, Sied 257