Karl Willeke

Vun Wikipedia
Zur Navigation springen Zur Suche springen

Karl Willeke (* 12. Januar 1875 in Smalmereg; † 20. September 1956 in Arensperg) weer en plattdüütschen Schriever.

Willeke is 1875 in Smalmereg boren. Na School un Lehrerseminar in Warnduorp güng he 1908 an de ne’e Hallenschool in Hagen. Dor weer he Schoolmeester un later Rekter. He hett ok för de Zentrumspartei in’n Stadtraat vun Hagen seten. Nadem he 1934 keen Bild vun Hitler in de School ophängen wull, hebbt de Natschonalsozialisten em ut sien Amt rutnahmen. 1943 is he na de Bombenangrepen op hagen in siene Heimatstadt Smalmereg trüchgahn. Ok dor hett he wedder in’n Stadtraat seten, nu för de CDU. Later is he denn na Arensperg to siene Dochter tagen un dor 1956 doodbleven.

He hett ünner annern Schoolböker för’n Düütschünnerricht schreven. Sien bedüdenst Wark is de göttliche Komödie vun Dante Alighieri, de he in sien Suerlänner Platt översett hett. Anfungen hett he 1934, aver eerst 1955 weer dat Book sowied trech, dat dat rutkamen kunn.

Warken[ännern | Bornkood ännern]

  • Deutsche Wortkunde in der Arbeitsschule. Willi Hopff, Frankfurt 1925
  • Dante Alighieri - Die göttliche Komödie (in Sauerländer Platt). Zimmermann, Balve 1955

Weblenken[ännern | Bornkood ännern]