Kanton Ritzbüttel
De Kanton Ritzbüttel weer as Kanton en Verwaltungsrebeed in de Franzosentied (1810-1813). De Seet weer Ritzbüttel.
Historie[ännern | Bornkood ännern]
Dat Rebeed weer vörher Deel von Hamborg (Amt Ritzbüttel) oder dat Land Hadeln in’t Kurförstendom Hannover.
In de Koalitschoonskriege harr dat Franzöösche Kaiserriek siet 1803 dat Kurförstendom Hannover un siet 1806 Hamborg besett hollen.
An’n 1. Januar 1811 is Hamborg denn direkten Deel von dat Franzöösche Kaiserriek worrn. Dat Kurfüstendom Hannover in Westen un Süden von Hamborg weer 1810 al Deel von dat Königriek Westfalen worrn un keem nu ok an dat Kaiserriek. De Kanton Ritzbüttel is as een von de teihn Kantons inricht worrn, ut de de Distrikt Stood in dat Departement von de Elvmünnen tohoopsett weer. De Kanton hett dat fröhere hambörgsche Amt Ritzbüttel un de hannöverschen Kaspelsgerichten Olenbrook, Lüdingworth un Lee in’t Land Hadeln verbunnen.
In’n Harvst 1813 hebbt de Russen de Franzosen slahn un dat Rebeed befreet. Dat Rebeed von Hamborg un dat Kurförstendom Hannover is denn 1813/1814 wedder herstellt worrn un de ole Stand von vör 1810 wedder dor.
De Kanton harr 10.504 Inwahners[1] un weer indeelt in veer Mairien:
Footnoten[ännern | Bornkood ännern]
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 68
Bremervöör | Freeborg | Himmelpoorten | Hornborg | Jörk | Neehuus | Oterndörp | Ritzbüttel | Stood | Zeven