KPD Mäkelborg-Vörpommern

Vun Wikipedia
Zur Navigation springen Zur Suche springen

Dei KPD Mäkelborg-Vörpommern (up hochdütsch KPD Mecklenburg-Vorpommern) beteikt dei Landsorganisatschoon von de KPD, dei in Mäkelborg-Swerin un in de preußsch Provinz Pommern aktiv wier.

Geschicht[ännern | Bornkood ännern]

Nadem an'n 1. Januar 1919 dei KPD grünnt ward, hett dat in väl Urte in Mäkelborg un Pommern bannig Tiet duert, bet sik ok dor - meisttiet Arbeiders, Buern un Arbeidslose - in KPD Urtsgrupp organiserten. Väl von sei wiern all parteipolitisch organisert in de SPD orrer USPD, wiederhin wiern väl von sei, tau de Tiet von de Novemberrevolutschoon in Arbeiders- un Suldatenräte aktiv. Tau'n Bispill ward die Urtsgrupp in Gripswold ierst an'n 9. Oktober 1919 grünnt. In'n agrarschen Mäkelborg un Pommern künn dei KPD ji Influss tauierst in de grötter Städe un Urte utbugen. Dit wiest sik on an'n Resultat tau de Wahlen von de Landdag von Mäkelborg-Swerin.

Bedüdend KPD-Liddmaten wiern Ewald Vorkörper, Alfred Buhler, der nedderdütsche Schriewer Rudolf Hartmann orrer Erich Schmidt.

Tau de Tiet von'n Natschoonalsozialismus warden väl Liddmaten von de KPD verfolgt un in KZs inbuchtet un dotslahnt. Öwer ok in Mäkelborg hett sik Wedderstand rögt punktuell.

Na de Tweete Weltkrieg konschtituiert sik de KPD in'n Land Mäkelborg. In'n April 1946 güng dei KPD mi de SPD in de SED up.

Mit de Fall von de Berliner Muer 1989 un de dütsche Weddervereenigung 1990 benömt sik dei SED um un is mit ji Strukurn tau'n gröttsten Deil in De Linke upgüng. Ein lütte Deil von de Liddmaten, so tau'n Bispill sünd einig SED-Liddmaten in Niegenbramborg un Teterow in de DKP intrad. In'n Oktober 2013 ward in Rostock de ierst Landsverband grünnt, de sik in de Traditschoon von de oll KPD seihn.

Resultat tau de Landdagswahlen[ännern | Bornkood ännern]

Landdagswahl in Mäklenborg-Swerin Stimmandeil in % Sittantahl Verännerung (Sitt)
1921 4,64 % 3 Sitt + 3 Sitt
1924 13,61 % 9 Sitt + 6 Sitt
1927 6,61 % 3 Sitt - 6 Sitt
1929 5,23 % 3 Sitt ± 0 Sitt
1932 7,44 % 4 Sitt + 1 Sitt
1933 7,30 % 4 Sitt ± 0 Sitt