Königsfianchetto

1. g2-g3

Da Königsfianchetto is en Anspeel in‘t Schachspeel. Se fangt mit den eersten Toog 1. g2-g3 an un is in de ECO-Codes ünner den Slöötel A00 klassifizeert. Dör Toogümstellen weern faken Övergänge in anner Anspelen erreicht.

De Ünnerscheed to dat Réti-Anspeel oder to’n Königsindischen Angreep sünd faken de Afspelen, bi de Witt as Swaart in de Modernen Verteidigung den thematischen Toog Sg1-f3 nich makt un blots Lf1-g2 speelt. Dorbi wurrd sück de Mögelkeit apen laaten, later noch Sg1-f3 to spelen.

In de Weltspitz wurrd dit Anspeel selten speelt, wiel Swaart relativ free Hand in sien Figurenentwicklung hett. En Verfechter vun dat Königsfianchetto is de düütsch Grootmeester Jörg Hickl. In den engelschen Spraakruum wurrd dat Königsfianchetto „Benko Opening“ oder „Benko's Opening“ nömmt, nah den US-amerikanischen Schachspeler Pál Benkö, de dit Anspeel Midden vun dat 20. Johrhunnert mehrfak up’d Brett brocht hett. Ok Bent Larsen hett af un an 1. g2-g3 speelt.

In der Partie Réti – Aljechin, Baden-Baden 1925 führ 1. g2-g3 e7-e5 2. Sg1–f3 to de Aljechin-Verteidigung mit vertuuscht Farven.

De Begreep Fianchetto (ital. för dat "lütt Sieden-Door") alleen meent de Upstellung vun en Löper up en Flögel (Königs- oder Daamflögel), worbi dit dör dat Uptrecken vun den b- oder den g-Bauern mögelk wurrd. Man snackt denn ümgangsspraaklich ok dorvan, en Löper (hier: den Königslöper) to "fianchettieren".