Köhlfleet

Vun Wikipedia

De Köhlfleet is en Kanaal för de Schippfohrt in’n Hambörger Haven (Stadtdeel Waltershoff).

Koort von de Köhlfleet
Koort von 1878 mit’n olen Loop von’n Köhlfleet

De Köhlfleet is twüschen Finkwarder un Waltershoff mit den Hauptloop von de Elv verbunnen. Dor staht dat Lüchtfüür Seemannshöft un dat Lootsenhuus Seemannshöft. Von disse Steed geiht he na Süüdoosten na’n Finkwarder Vörhaven un den Dradenau-Haven. Fröher güng de Köhlfleet aver na Süüdoosten wieder twüschen Waltershoff un Oolwarder langs un is in dat Rebeed, in dat vondaag de Hansaport un Sandauhaven anleggt sünd, in’n Köhlbrand münnt.

1910 is beslaten worrn, dat Waltershoff Havenerweiterungsrebeed ween schall. Dorüm is de Köhlfleet later in dat 20. Johrhunnert toschüddt worrn. Dör dat Toschüdden is ut de Insel Waltershoff en Halvinsel worrn.

An dat Över von’n Köhlfleet hett dat en Reeg Warften geven. Ünner annern de Warft von Cölln un von 1910 bet 1984 de Warft August Pahl. De Düütsche Warft is 1918 op dat Gelänn in’t Vörland von Finkwarder an de Münn von’n Köhlfleet anleggt worrn, later denn aver en Stück wieder weg an de Ünnerelv tagen. An de Münn in’n Köhlbrand leeg de Köhlbrandwarft.


Koordinaten:53° 32′ N, 9° 53′ O