Juri Rafaelowitsch Dochojan

Juri Dochojan 2011 in Porto Carras

Juri Rafaelowitsch Dochojan (russisch Юрий Дохоян; * 26. Oktober 1964; † 1. Juli 2021 in Moskau) weer en russisch Schachgrootmeester vun armeensch Afstammen.

Loopbahn

He hett an mehreren Finalturnieren bi UdSSR-Meesterschapen deelnommen un weer ok bi inzternatschonalen Turnieren spoodriek. Tor sien Erfolgen hörrn de 1. Platz in Bukarest 1986, de 1. Platz in Plowdiw 1988, de 2. Platz in Budapest 1988, de 3. Platz achter Smbat Lputian un Lew Psachis aber vör Oleh Romanyschyn in Jerewan 1988, de 3. Platz in Sotschi 1988, de Sieg tosommen mit Friso Nijboer in dat B-Turnier in Wijk aan Zee 1989, de 1. Platz tosommen mit Juri Piskow in Kopenhagen 1991, de deelt tweet Platz in Aarhus, de Sieg bi den Berliner Sommer 1992, de 1. Platz in Godesberg 1993, de Sieg in Lublin 1993 un de mit Anthony Miles deelt 1. Platz bi dat Mönster Open 1993. Ok in de düütsch Schachbundsliga hett he speelt. 1995 hett he sien aktiv Loopbahn afslooten.

Sien hööchste Elo-Tall weer 2580, de he in’n Juli 1994 recken dee.

Över völ Johren weer he Sekundant und Trainer vun Garri Kimowitsch Kasparow bit de 2005 sien Loopbahn afsluten dee. Af 2009 hett he mit Sergei Karjakin arbeit, un wurr ok Trainer vun de russisch Fruen-Natschonalmannschap Buterdem weer he ok Trainer vun de beid Weltklasse-Spelerinen, de Süsters Tatiana un Nadeschda Kossinzewa.

2007 wurr he FIDE Senior Trainer. Sien Grootmeestertitel harr he all 1088 kreegen.

Dood

Juri Dochojan is an’n 1. Juli 2021 in Moskau an en Infektschoon mit COVID-19 storven.

Weblinks

Juri Dochojan. Mehr Biller, Videos oder Audiodateien to’t Thema gifft dat bi Wikimedia Commons.

• Profil bi chessgames.com (engelsch)
• Grandmaster Games Database - Yury Dokhoian
• Yury Dokhoian - Articles - New In Chess
• [http://www.chessmetrics.com/cm/CM2/PlayerProfile.asp?Params=199510SSSSS3S031084000000111000000000005810100 Indrag bi chessmetrics.com (engelsch)
• Nahricht över sien Dood bi chessbase.com