Juri Iwanowitsch Onufrijenko
Juri Iwanowitsch Onufrijenko (russisch: Юрий Иванович Онуфриенко, wietenschaplich Transliteratschoon Jurij Ivanovič Onufrienko; * 6. Februar 1961 in Rjasne, Rajon Solotschiw, Oblast Charkiw, Ukrainische SSR) is en ehmalger russisch Kosmonaut vun ukrainsch Afkunft.
Onufrijenko hett 1982 de Hoochschool för Piloten vun de Luftstrietkräfte „W.M. Komarow“ in Jeisk mit en Pilot-Ingenieurdiplom afslooten. Dornah deen he bit to sien Inträe in dat Kosmonautenkorps in de sowjeetsch Luftwappen. He hett över 800 Floogstünnen up de verscheedenst Floogtüüch as Aero L-29, Suchoi Su-7, Suchoi Su-17 (M1-4) un Aero L-39 sammelt.
He wurr 1989 as potentieller Kosmonaut utwählt. 1994 hett Onufrijenko en Afsluss in Kartografie an de Moskauer Lomonossow-Universität kreegen. Mit dat Ruumschipp Sojus TM-23 is he an’n 21. Februar 1996 an de Siet vun Juri Wladimirowitsch Ussatschow in’n Weltruum flagen. Teel weer de Ruumstatschoon Mir. De beid wurrn de 21. Mir-Stammbesatten. Se hemm de bitherige Stammbesatten Juri Pawlowitsch Gidsenko, Serge Wassiljewitsch Awdejew un Thomas Reiter aflöst. Wiels disse Mission kreegen se noch Besöök vun de Mannschap vun STS-76, ünner annern mit Shannon Lucid, de an Bord vun de Mir bleev un Liddmaat vun de 21. Stammbesatten wurr. Onufrijenko un Ussatschow wurrn denn in’n August 1996 dör de 22. Stammbesatten (Waleri Grigorjewitsch Korsun un Alexander Jurjewitsch Kaleri aflöst. Mit Korsun und Kaleri weer ok de Französin Claudie André-Deshays an Bord, de aber mit Onufrijenko und Ussatschow an’n 2. September up de Eer lannen dee. Shannon Lucid weer up de Mir bleven.
Sien tweet Mission weer de Mission STS-108, de an’n 5. Dezember 2001 ünner dat Kommando vun Dominic Lee Pudwill Gorie un Pilot Mark Edward Kelly starten dee. Teel weer de Internatschonale Ruumstatschoon (ISS). Mit an Bord weer de Missionsspezialisten Linda Maxine Goodwin un Daniel Michio Tani, as ok Daniel Wheeler Bursch un Carl Erwin Walz, de mit Onufrijenko de nee Stammbesatten vun de ISS wurr un Frank Lee Culbertson, Michail Wladislawowitsch Tjurin un Wladimir Nikolajewitsch Deschurow aflösen dee. Neben den Besöök dör de Mission STS-110 geev dat ok noch den Besökk dör Sojus TM-34 mit de Ruumfohrer Juri Gidsenko, Roberto Vittori un den Touristen Mark Richard Shuttleworth ut Süüdafrika. De fievte Stammbesatte vun de ISS keem denn in’n Juni 2002 mit de Mission STS-111. Ünner dat Kommando vun Kenneth Dale Cockrell un Pilot Paul Scott Lockhart wurrn Waleri Korsun, Peggy Annette Whitson un Sergei Jewgenjewitsch Treschtschow to de ISS brocht. Cockrell, Lockhart un de beid Missionsspezialisten Franklin Ramon Chang-Diaz un Philippe Perrin sünd denn tosommen mit Onufrijenko, Bursch und Walz an’n 19. Juni 2002 weer lannd.
In‘n Oktober 1996, also nah sien eerst Mission, wurr Onufrijenko dör en Anordnen vun den dormaligen russischen Präsidenten, Boris Jelzin, de Utteken Held vun den Russisch Föderatschoon verleeht. In’n März 2004 is Onufrijenko ut dat Kosmonautenkorps utscheeden.
Weblinks
[ännern | Bornkood ännern]
- Körtbiografie bi spacefacts.de
- Biografie in de Encyclopedia Astronautica (engelsch)
- Biografie bi dat beim Juri-Gagarin-Kosmonautentrainingszentrum (russisch)