Joseph Hooton Taylor Jr.
Joseph Hooton Taylor Jr. (* 29. März 1941 in Philadelphia) is en US-amerikaansch Astrophysiker. He hett bit an de Princeton University lehrt.
Sien Öllern weern Joseph Hotoon Taylor Sr. un Sylvia Evans Taylor, de beid ut Quäker-Familien stammen. 1963 hett he sien Bachelor in Physik an dat Haverford College maakt un kreeg 1968 sien Doktertitel (Ph.D.) in Astronomie vun de Harvard University.
Taylor wurr 1993 tosommen mit Russell Alan Hulse, de sien Doktervader he weer, de Nobelpries för Physik för dat Opdecken vun den Pulsar PSR 1913+16 in en Düppelsteernsystem verleeht. Dör dissen Pulsar kunnen eerstmals de Energieverlust dör Gravitatschonswellen vermeeten un de entsprekend Vörutseggen vun de Allgemeen Relativitätstheorie bestätigt wurrn.
Joseph H. Taylor is aktiv Funkamateur mit dat Roopteken K1JT un befaat sück in sien Freetiet mit Funkverbindungen ünner den Gebruuk vun den Maand (EME) as ok vergleuen Meteoroiden (Meteorscatter) as Reflektor för de Funkwellen. Hierto hett he dat Verfohren WSJT entwickelt, dat dat mögelk maakt, extrem swaak, akustisch in't Ruuschen nich mehr wohrnehmbor Signale mit Hülp vun en PC mit Soundkoort to dekodeeren.
Ebenso hett he dat Programm WSPR entwickelt, dat en internatschonal opereeren Baken-Nett upbaut, dat eerstmals en Rückkanal över dat Internett hett un somit interessante Utwertensmögelkeiten över Utbreedensbedingungen un Utbreedensweeg schafft.
He is verheiraadt mit Marietta Bisson Taylor.
Ehrungen
[ännern | Bornkood ännern]- 1980: Dannie-Heineman-Pries för Astrophysik
- 1981: MacArthur Fellowship
- 1987: Tomalla-Pries
- 1991: Albert-Einstein-Medaille
- 1993: Nobelpries för Physik
- 1997: Karl-Schwarzschild-Medaille vun de Astronoomsch Sellschopp
Weblenken
[ännern | Bornkood ännern]
Joseph Hooton Taylor, Jr.. Mehr Biller, Videos oder Audiodateien to’t Thema gifft dat bi Wikimedia Commons.