José Mujica
José Alberto Mujica Cordano, nömmt El Pepe (* 20. Mai 1935 in Montevideo; † 13. Mai 2025 ebenda[1]), weer en urguayisch Politiker un weer van' 1. März 2010 bit 1. März 2005 amteerend Präsident vun sien Land.[2][3] Vun Berop weer he Blöömentüchter.
Siet 1970 kämp he in de Stadtguerilla-Bewegen vun de Tupamaros, sien Baas weer Raúl Sendic. To Tiet vun de Militärdiktatur weer he inhafteert. Nahdem de Demokratie in Uruguay 1985 weer herstellt wurrn weer, wurr José Mujica tosommen mit anner Tupamaros ut dat Gefängnis entlaaten.[4] De Tupamaros hebbt denn 1989 de Partei Movimiento de Participación Popular (MPP).
Van 1995 bit 1999 weer he Afordnter vun de MPP in dat uruguayisch Repräsentantenhuus, ansluutend van 2000 bit 2004 Liddmaat vun den uruguayischen Senat. Van 2005 bit 2008 weer he Landwertschapsminister ünner Präsident Tabaré Vázquez.
1997 hebbt Rainer Hoffmann un Heidi Specogna den Dokumentarfilm Tupamaros makt, in de José Mujica un fröhere Mitstrieder de Historie vun de Bewegen vertellen.
In‘ Juni 2009 wurr Mujica, de den brasiliaansch Ex-Präsidenten Luiz Inácio Lula da Silva as sien Vörbild betekent[5], to’n Kandidaten vun dat Linksbündniss Frente Amplio för de Präsidentschapswahl in Uruguay wählt. In‘ eersten Dörgang an‘ 25. Oktober 2009 hett he de afsolute Mehrheit mit 48 Perzent vun de Stimmen man knapp verpasst. In de Steekwahl an‘ 29. November 2009 keem he up ruch weg 53 Perzent vun de Stimmen un kunn sück dormit tegen den konservativen Konkurrenten Luis Alberto Lacalle dörsetten.[6]
Mujica weer siet 2005 mit de MPP-Senatorin Lucía Topolansky verheiraadt.
| Vörgänger | Amt | Nafolger |
| Tabaré Vázquez | Präsident vun Uruguay 1. März 2010 - 1. März 2015 |
Tabaré Vázquez |
Weblenken
[ännern | Bornkood ännern]
Enkeld Nahwiesen
[ännern | Bornkood ännern]- ↑ Uruguay de luto: Murió el expresidente José “Pepe” Mujica. In: Presidencia Uruguay. 13. Mai 2025, afropen an’n 14. Mai 2025 (spaansch).
- ↑ Uruguay elects Jose Mujica as president, polls show BBC Online, 30. November 2009
- ↑ Breite Front für Ex-Guerillero José Mujica als Präsident Stern, 30. November 2009
- ↑ Vörlaag:Webarchiv/Archive-is Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis. Irish Times, 12. Oktober 2009
- ↑ Ex-Guerillero an der Staatsspitze Neues Deutschland, 1. Dezember 2009
- ↑ 75-jähriger Ex-Guerillero wird neuer Präsident Handelsblatt, 30. November 2009
