Jonathan Penrose

Vun Wikipedia
Zur Navigation springen Zur Suche springen
Jonathan Penrose (Schacholympiade Leipzig 1960)

Jonathan Penrose OBE (* 7. Oktober 1933 in Colchester) is en engelsch Schachmeester. He gull in de 1960er un fröh 1970er Johren as de beste engelsch Schachspeler.

He is de Bröer van de beide bekannt Mathematiker Oliver Penrose un Roger Penrose as ok Söhn van den Wetenschapler Lionel Penrose.

Wat he schafft hett[ännern | Bornkood ännern]

Turnierspeeler[ännern | Bornkood ännern]

Penrose wunn tüschen 1958 un 1969 teihnmal de britische Eenzelmeesterschap un hett tüschen 1952 un 1974 negen Mal för dat engelsch Team an Schacholympiaden deelnommen. 1960 gelung hüm bi de Olympiade in Leipzig en Sieg gegen den Schachweltmeester Michail Tal, dat weer ok to glieker Tiet de eenzige Verlustpartie, de de sowjeetsch Mannschap bi dit Turnier hennnehmen muss. Bi de Schacholympiaden 1962 in Warna un 1968 in Lugano reck he jewiels an dat eerste Brett dat tweetbeste Eenzelergevnis.[1] 1973 nehm he mit de engelsch Mannschap an de Mannschapseuropameesterschap in Bath deel.[2] 1961 kreeg he den FIDE-Titel Internatschonaler Meester verleeht, 1993 kreeg he van de FIDE den Grootmeestertitel ehrenhalver verleeht. He is de letzt noch levende Ehren-Grootmeester.

Sien Elo-Tall bedrocht 2405 (Stand: Oktober 2014), he wurrd aber as inaktiv führt, wiel he siet 1979 kien wert Partie mehr speelt hett. Sien hööchste Elo-Tall van 2450 reck he in’n Juli 1971.[3] Sien hööchste historsch Elo-Tall vör Inführen van de Elo-tallen leeg bi 2610 in‘n Februar 1969.[4]

Feernschach[ännern | Bornkood ännern]

Penrose hett sück in den 1970er Johren wietgahnd van dat Nahschach torüchtrucken un weer denn vör allen in’n Feernschach aktiv. Mit dat engelsch Team wunn he de Goldmedaille bi de 9. Feernschacholympiade, siet 1983 is he Grootmerster van de ICCF in‘n Feernschach.

Schachkompositschoon[ännern | Bornkood ännern]

Penrose hett ok eenige Schachupgaven herutgeven.

Sonstiges[ännern | Bornkood ännern]

Jonathan Penrose hett en Doktertitel in Psychologie.

Weblinks[ännern | Bornkood ännern]

Commons-logo.svg Jonathan Penrose. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Jonathan Penroses Ergevnisse bi Schacholympiaden up olimpbase.org (engelsch)
  2. Jonathan Penroses Ergevnisse bi Mannschapseuropameesterschapen up olimpbase.org (engelsch)
  3. Elo-Historie bi olimpbase.org (engelsch)
  4. Jonathan Penroses historsche Elo-Tallen bi chessmetrics.com (engelsch)