Johnny Cash

Vun Wikipedia

Johnny Cash (* 26. Februar 1932 as J.R. Cash in Kingsland in Arkansas;† 12. September 2003 in Nashville in Tennessee) weer een US-amerikaanschen Country-Sänger un Leedermaker.

Johnny Cash to Besöök bi Präsident Richard Nixon in'n Juli 1972

He weer bekannt för sien markant Bassbariton-Stimm un för den „Boom-Chick-a-Boom“-Sound vun sien Band „The Tennessee Three“. Ok siene Texten sünd as kritisch un „anners, as de annern“ ansehn wurrn. De Musik, de he maken dö, güng vun Country, Gospel, Rock’n’Roll, Blues, Folk un Pop in de 1950er Jahren bit hen to Alternative Country an den Anfang vun dat 21.Jahrhunnert. Hüdigendags warrt jümmers noch snackt vun siene Uptreed achter Trallen in Folsom in Kalifornien un in San Quentin an dat Enn vun de 1960er Jahren. De Ökelnaam vun Johnny Cash weer „Man in Black“.

Leben[ännern | Bornkood ännern]

Eerste Jahren[ännern | Bornkood ännern]

J.R. Cash weer de Söhn vun den armen Farmer Ray Cash un siene Froo Carrie Rivers. Sien Vörnaam weer würklich „J.R.“. Eerst, as he in de US Air Force intreden dö, is ut dat „J.“ een „John“ wurrn. He weer noch nich lang up de Welt, dor is de Familie Cash nah Dyess in Arkansas, in'n Westen vun Tennessee, up een Farm trocken. Vunwegen den New deal vun Präsident Franklin D. Roosevelt konn de Familie düsse Farm günstig kopen. Al mit 5 Jahren möss de lüttje J.R. Cash up de Kattuun-Feller arbeiden.

Johnny Cash hett seß Süstern un Bröder harrt: Roy, Louise, Jack, Reba, Joanne un Tommy. Sien Broder Jack, de twee Jahr öller weer, as he, is 1944 bi een Unfall mit een Kreissaag sturben. Dor weer he 14 Jahr oolt.

Cash hett fröh anfungen mit dat Spelen up de Gitarr un mit dat Leeder schrieben. In dat Radio vun siene Heimatkuntreien is he al uptreden, as he noch up de High School weer. 1950 güng he denn as een Funker bi de Air Force nah Landsberg am Lech in Bayern. Dor maak he siene eerste Band up, dat weeeren de Landsberg Barbarians („De Barbaren vun Landsberg“, wat een Jokus is mit de engelschen Wöör „Barbarians“ un „Bavarians“, wat „Bayern“ heten deit). Dor schreev he ok dat Leed Folsom Prison Blues, as he in't Kino den Film Inside the Walls of Folsom Prison sehn harr.

Nah sien Militärtiet in Düütschland weer Cash Oberfeldwebel. He trock 1954 nah Memphis (Tennessee) un nehm Vivian Liberto to sien Froo. Mit ehr hett he siene Döchter Rosanne (*1955), Kathleen (*1956), Cindy (*1959) un Tara (*1961) kregen.

De Anfang vun sien Karrier[ännern | Bornkood ännern]

Johnny Cash 1969

Den Dag öber hett Cash eenen Job harrt as Vertreder för allerhand Elektrotüüch un -kraams. Man an'n Abend speel he tohopen mit de„Tennessee Two“ in verscheden Clubs in Memphis. Siene Mackers in de Band weeren Luther Perkins an de Gitarr un Marshall Grant an'n Bass. Een Slagtüüch geev dat dormals noch nich in Cash siene Band. Dat keem dor eerst 1960 to, as WS Holland mitmaken dö un de Band denn „Tennessee Three“ heet. Man to düsse Tiet geev dat noch keen Slagtüüch un dor klemm Cash een Stück Pappeer achter de Snören vun siene Rhythmusgitarr. Wenn he denn spelen dö, keem dor so een Toon bi rut, as bi dat gaue Stampen vun een Iesenbahn, wenn se föhrt. Dat weer de beröhmte „Boom-Chick-a-boom“-Sound.

Amenn hett he sik bi Sam Philipps vörstellt. Dat weer de Besitter un Produzent vun Sun Records. He nehm Cash ünner Verdrag. Johnny Cash siene eerste Single bi Sun Records keem an'n 21.Juni 1955 rut. Up de eerste Siet weer dat Leed Cry!Cry!Cry! to hören un up de B-Siet funn sik Hey Porter. Dat duur man bloß eenen Monat, dor keem al siene neegste Single rut. Dat weer de Folsom Prison Blues. De hett dat al mank de Top 5 vun de Country-Charts schafft. 1956 bröch he denn I walk the line rut. De schaff dat up Platz 1 vun de Country-Charts un keem ok mank de Top 20 vun de Pop-Charts. Ut düsse Tiet stammt ok de „Sun Session“-Upnahmen, wo de Lüde hüüt jümmers noch vun snacken doot. Dor hett dat „Million Dollar Quartett“ bi speelt. Dat weer de Ökelnaam vun de dree Rock'n'Roll-Stars Carl Perkins, Jerry Lee Lewis un Elvis Presley, tohopen mit Johnny Cash. De dree weeren ok all bi Sun Records ünner Verdrag.

1956 lehr Johnny Cash achter de Bühn vun de Country-Radio-Show Grand Ole Opry in Nashvill de Sängersche June Carter ut de de beröhmte Carter Family kennen. Vun siene Kinnertiet af an harr he ehr bewunnert. Nu konn he tohopen mit ehr singen. Veel later is June Carter denn sien tweede Froo wurrn. In düsse Tiet hett Cash ok dor mit anfungen, datt jedet Kunzert vun em mit de Wöör „Hello, I'm Johnny Cash“ losgüng.

Wie dat mit sien Karrier fuddergüng un wie he afhängig weer[ännern | Bornkood ännern]

An dat Enn vun de 1950er Jahren güng dat mit Johnny Cash siene Karriere bloß man piel bargup. He weer jümmers up Tour. Dat weer nich goot för sien Eh mit Vivian Liberto. Cash konn ok mit den Stress bi de Kunzerten nich goot klaar kamen. He hett süms seggt, datt he 1957 up een Tour mit de Musikers Faron Young un Ferlin Huskey sien eerste Benzedrintablett nahmen hett. Later greep he jümmers fökener to, wenn he Alkohol oder Amphetaminen oder Barbituraten in'e Hannen kriegen konn. Een Tiet lang hett he sik een Appartement deelt mit den Countrysänger Waylon Jennings. De weer ok tablettensüchtig.

1958 trock Cash mit siene Familie üm nah Kalifornien un güng nah Columbia Records öber. De harrn em een Anbott maakt, dor konn he nich „Nee“ to seggen. In'n November vun dat sülbige Jahr keem denn dat Album The Fabulous Johnny Cash rut. Dor weer ünner annern de Nr. 1-Hit Don't take your guns to town mit bi. Bi düt Album hett Cash Country mit Pop, Folk un Gospel tohopensmeten. In'n März 1959 nehm he in een eenzig Session dat Album Songs of our Soil up. Dat is nu wedder in den Americana-Stil upmaakt. De meist bekannte Song vun düt Album is Five Feet high and Rising. Dat is een Leed öber dat Hoochwater vun den Missisipi-Stroom. In de 1930er Jahren harr dat meist de Familie Cash ehr Huus in Arkansas wegreten.

Vun 1961 af an güng June Carter mit em up Tourneen. In'n März 1963 bröch he dat Leed Ring of Fire rut. Schreven harr dat Merle Kilgore tohopen mit June Carter. Man so, as he dat arrangeert hett, mit de Mariachi-Trumpeten dorbi, is dat een Welthit wurrn. June Carter vertellt in düt Leed vun Cash sien Sucht un ok dorvun, dat se em leev hett, wat aber doch nich angahn dröff, vunwegen dat de beiden to düsse Tiet jümmers noch mit anner Partners verheiraat weeren. Man leev harrt, hefft se sik doch al lang.

Platten[ännern | Bornkood ännern]

Mit de Jahren is een unbannige Tall vun Saken vun Johnny Cash rutkamen. Wat dat allens is, un ok de Plätz in de Charts, de de enkelten Leeder kregen hefft un Biller vun de Covers usw. finnt sik up düsse Website (Weblink).

Alben[ännern | Bornkood ännern]

50er

  • 1957 - Johnny Cash With His Hot and Blue Guitar
  • 1958 - Johnny Cash Sings the Songs That Made Him Famous
  • 1958 - The Fabulous Johnny Cash
  • 1959 - Hymns by Johnny Cash
  • 1959 - Songs of Our Soil
  • 1959 - Greatest Johnny Cash

60er

  • 1960 - Johnny Cash Sings Hank Williams
  • 1960 - Ride This Train
  • 1960 - Now, There Was a Song!
  • 1961 - Now Here's Johnny Cash
  • 1962 - Hymns from the Heart
  • 1962 - The Sound of Johnny Cash
  • 1962 - All Aboard the Blue Train
  • 1963 - Blood, Sweat, and Tears
  • 1963 - Ring of Fire
  • 1963 - The Christmas Spirit
  • 1964 - Keep on the Sunny Side
  • 1964 - I Walk the Line
  • 1964 - The Original Sun Sound of Johnny Cash
  • 1964 - Bitter Tears: Ballads of the American Indian
  • 1965 - Orange Blossom Special
  • 1965 - Ballads of the True West
  • 1965 - Mean as Hell
  • 1966 - Everybody Loves a Nut
  • 1966 - Happiness is You
  • 1967 - Johnny Cash & June Carter: Jackson
  • 1967 - Johnny Cash's Greatest Hits
  • 1967 - Carryin' on with Cash and Carter
  • 1968 - From Sea to Shining Sea
  • 1968 - At Folsom Prison
  • 1968 - The Holy Land
  • 1968 - True West
  • 1969 - At San Quentin
  • 1969 - Johnny Cash
  • 1969 - Original Golden Hits, Volume I
  • 1969 - Original Golden Hits, Volume II
  • 1969 - Story Songs of the Trains and Rivers
  • 1969 - Get Rhythm

70er

  • 1970 - Johnny Cash Sings Folsom Prison Blues
  • 1970 - The Blue Train
  • 1970 - Johnny Cash Sings the Greatest Hits
  • 1970 - Johnny Cash and June Carter Cash: Jackson
  • 1970 - Johnny Cash: The Legend
  • 1970 - The Walls of a Prison
  • 1970 - Sunday Down South
  • 1970 - Showtime
  • 1970 - Hello, I'm Johnny Cash
  • 1970 - The Singing Storyteller
  • 1970 - The World of Johnny Cash
  • 1970 - Johnny Cash Sings I Walk the Line
  • 1970 - The Rough Cut King of Country Music
  • 1970 - The Johnny Cash Show
  • 1970 - I Walk the Line - Movie Soundtrack
  • 1970 - Little Fauss and Big Halsy - Movie Soundtrack
  • 1971 - Man in Black
  • 1971 - Johnny Cash and Jerry Lee Lewis Sing Hank Williams
  • 1971 - Johnny Cash: The Man, His World, His Music
  • 1971 - The Johnny Cash Collection: Greatest Hits Volume II
  • 1971 - Understand Your Man
  • 1971 - Original Golden Hits, Volume III
  • 1972 - A Thing Called Love
  • 1972 - Give My Love to Rose
  • 1972 - America - A 200-Year Solute in Story And Song
  • 1972 - The Johnny Cash Songbook
  • 1972 - Christmas: The Johnny Cash Family
  • 1973 - The Gospel Road
  • 1973 - Any Old Wind That Blows
  • 1973 - Now, There Was a Song
  • 1973 - The Fabulous Johnny Cash
  • 1973 - Johnny Cash and His Woman
  • 1973 - Sunday Morning Coming Down
  • 1973 - Ballads of the American Indian
  • 1974 - Pa Osteraker (live in Sweden)
  • 1974 - Ragged Old Flag
  • 1974 - Five Feet High and Rising
  • 1974 - The Junkie and the Juicehead Minus Me
  • 1975 - Johnny Cash Sings Precious Memories
  • 1975 - The Children's Album
  • 1975 - John R. Cash
  • 1975 - Ridin' the Rails
  • 1975 - Welcome to Europe
  • 1975 - Look at Them Beans
  • 1975 - Strawberry Cake
  • 1976 - One Piece at a Time
  • 1976 - Destination Victoria Station
  • 1977 - The Last Gunfighter Ballad
  • 1977 - The Rambler
  • 1978 - 20 Foot Tappin Greats
  • 1978 - I Would Like to See You Again
  • 1978 - Greatest Hits, Volume III
  • 1978 - Gone Girl
  • 1979 - Johnny Cash - Silver
  • 1979 - A Believer Sings the Truth

80er

  • 1980 - Rockabilly Blues
  • 1980 - Classic Christmas
  • 1981 - The Baron
  • 1981 - Encore
  • 1982 - The Survivors
  • 1982 - A Believer Sings the Truth, Volume I
  • 1982 - The Adventures of Johnny Cash
  • 1983 - Johnny Cash - Biggest Hits
  • 1983 - Johnny 99
  • 1983 - In Prague LIVE
  • 1983 - Songs of Love and Life
  • 1984 - I Believe
  • 1985 - Highwayman
  • 1986 - Rainbow
  • 1986 - Class of '55: Cash, Perkins, Orbison & Lewis
  • 1986 - Heroes: Johnny Cash and Waylon Jennings
  • 1986 - Believe in Him
  • 1987 - Johnny Cash: Columbia Records 1958-1986
  • 1987 - Johnny Cash is Coming to Town
  • 1988 - Classic Cash
  • 1988 - Water From the Wells of Home

90er

  • 1990 - Johnny Cash: Patriot
  • 1990 - Boom Chicka Boom
  • 1990 - Highwaymen 2
  • 1990 - Johnny Cash: The Man in Black 1954-1958
  • 1991 - The Mystery of Life
  • 1991 - Johnny Cash: The Man in Black 1959-1962
  • 1991 - Come Along and Ride this Train
  • 1992 - The Essential Johnny Cash (3-CD box set, not to be confused with the 2002 double-CD anthology.)
  • 1994 - The Man in Black / Definitive collection
  • 1994 - American Recordings
  • 1995 - Johnny Cash: The Man in Black 1963-1969 plus
  • 1995 - Highwaymen: The Road Goes on Forever
  • 1995 - Johnny Cash: The Golden Years (musiquarium compilation)
  • 1996 - American II: Unchained
  • 1996 - The Best of Johnny Cash (Sony/Columbia)
  • 1996 - Johnny Cash: The Hits
  • 1998 - VH1 Storytellers: Johnny Cash and Willie Nelson
  • 1998 - The Best of Johnny Cash (Mercury)
  • 1998 - Johnny Cash at Folsom Prison and San Quentin
  • 1998 - Johnny Cash: Crazy Country
  • 1998 - Johnny Cash: Timeless Inspiration
  • 1998 - Johnny 99
  • 1999 - Johnny Cash: Super Hits
  • 1999 - Johnny Cash and Carl Perkins: I Walk the Line/Little Fauss and Big Halsy
  • 1999 - Just as I am
  • 1999 - Rickabilly Blues
  • 1999 - Cash on Delivery: A Tribute
  • 1999 - The Legendary Johnny Cash
  • 1999 - Johnny Cash and June Carter Cash: It's All in the Family
  • 1999 - At Folsom Prison (reissue)
  • 1999 - Sixteen Biggest Hits

Vun 2000 af an

  • 2000 - Return to The Promised Land
  • 2000 - Love, God and Murder
  • 2000 - At San Quentin (Rerelease)
  • 2000 - The Mercury Years
  • 2000 - Super Hits
  • 2000 - American III: Solitary Man
  • 2001 - Sixteen Biggest Hits: Volume II
  • 2002 - The Essential Johnny Cash (Dubbel-CD-Anthologie)
  • 2002 - Man In Black: The Very Best Of Johnny Cash 2CD
  • 2002 - Johnny Cash & Friends (Mercury)
  • 2002 - American IV: The Man Comes Around
  • 2002 - A Boy Named Sue and Other Story Songs (Rerelease vun dat 1998 Album "Crazy Country")
  • 2002 - Johnny Cash at Madison Square Garden
  • 2003 - Unearthed
  • 2004 - My Mother's Hymn Book
  • 2004 - Life
  • 2005 - CASH: The Legend (4 CD Box Set)
  • 2005 - Ring of Fire: The Legend of Johnny Cash
  • 2006 - Johnny Cash and June Carter Cash - Duets
  • 2006 - Personal File - Homerecordings
  • 2006 - American V: A Hundred Highways
  • 2006 - The Johnny Cash Children's Album (Rerelease)

Bekannt Leeder (Utwahl)[ännern | Bornkood ännern]

  • Folsom Prison Blues
  • Cocaine Blues
  • I got stripes
  • Cry, Cry, Cry
  • Jackson (Duett mit June Carter)
  • San Quentin
  • Man in Black
  • I Walk the Line
  • Don't Take Your Guns to Town
  • Ring of Fire
  • Daddy Sang Bass
  • A Boy Named Sue
  • Hey Porter
  • Big River
  • Hurt (Nine Inch Nails-Cover)
  • The Man Comes Around
  • Delia's Gone
  • Five Feet High And Rising
  • Highwayman
  • Get Rhythm
  • (Ghost) Riders in the Sky
  • Personal Jesus (Depeche Mode-Cover)