John Newcombe
vJohn David Newcombe (* 23. Mai 1944 in Sydney) is en ehmalger austraalsch Tennisspeler.
Biographie
[ännern | Bornkood ännern]In sien Jugend bedreev Newcombe völ verscheeden Sportoorten, bit he sück für dat Tennis entscheeden dee. He weer austraalsch Meester vun de Jöögd in de Johren 1961, 1962 un 1963 un weer 1964 Liddmaat vun dat austraalsch Team, dat den Davis Cup wunn. He wunn sien eerst Grand-Slam-Turnier 1965, as he bi de Australian Open mit sien Landsmann Tony Roche in de Düppelkonkurrenz siegen dee. In dat glieker Johr wunn dat Duo ok in Wimbledon. All tosommen wunnen de bei de austraalsch Meesterschapen wiedere dree Mal, in Wimbledon hebbt se noch wiedere veer Mal wunnen. Dorto keemen ok noch de Siege 1967 bi de US Open un 1967 un 1969 bi de French Open. Insgesamt hebbt se bi 12 Grand-Slam-Endspelen in’t Düppel wunnen, kien Düppel in’ Herrentennis weer jemals spoodrieker.
John Newcombe sien kraftvull Serve- un Volleyspeel weer de Garant för sien aggressiv Speel. To de Pläseer vun de Tokieker un to Överraschen vun sien Gegner hett he ok mit den tweeten Upslag en As slahn. Sien Speelwies hett hüm 1967 to de Nummer 1 in’ Amateursport maakt. As Profi weer he 1970, 1971 un 1974 Eerster vun de Ranglist. In’t Eenzel wunn he tweemal de Australian Open, dreemal in Wimbledon un tweemal de US Open.
As Liddmaat vun Lamar Hunt sien „World Championship Tennis“, en Turnierreeg för professionell Tennisspeler, wurr Newcombe 1972 vun de engelsch Meesterschapen in Wimbledon utslooten, een Johr later hett he van sülvst van dat Turnier affsehn. De Boykott vun de bi de Fans beleevt Newcombe, weer denn de Anlaat, dat Problem mit den Profisport endgültig to lösen. John Newcombe weer 1977 un 1978 Präsident vun de Vereenigung vun professionell Tennisspeler.
Newcombe un Rod Laver weern de eenzig Speler, de sowohl as Amateur as ok as Profi de US Open un Wimbledon winnen kunnen. De Rasenplatz weer de Platz up de Newcombe an’ leevsten spelen de. Dorüm bleeven de French Open dat eenzig Grand-Slam-Turnier, dat he in’t Eenzel nie winnen kunn. In’t Düppel hett he aber glieks dree Turniere wunnen.
All tosommen hett John Newcombe 25 Grand-Slam-Turniere wunnen (Eenzel, Düppel un Mixed) un he weer vöreerst de letzte Australier, de dat Herrentennis domineeren kunn. 1986 wurr he in de Hall of Fame vun den Tennissports upnommen.
He bleev den Tennissport ok nah sien aktiv erhollen un ween 1995 Kapitän vun dat austraalsch Daviscup-Team.
Grand-Slam-Spood
[ännern | Bornkood ännern]- Australian Open
- Eenzel - 1973, 1975, Finale 1976
- Düppel - 1965, 1967, 1971, 1973, 1976
- French Open
- Düppel - 1967, 1969, 1973
- Wimbledon
- Eenzel - 1967, 1970, 1971, Finale 1969
- Düppel - 1965, 1966, 1968, 1969, 1970, 1974
- US Open
- Eenzel - 1967, 1973
- Düppel - 1967, 1971, 1973
- Mixed - 1964