John Anthony Pople

Sir John Anthony Pople KBE (* 31. Oktober 1925 in Burnham-on-Sea; † 15. März 2004 in Sarasota, Florida) weer en britisch Mathematiker un theoretischer Chemiker.

Bill Clinton draapt Nobelpriesdräger van dat Johr 1998. Pople is de dart van rechts

Leven

Pople kreeg an de Bristol Grammar School sien Hoochschooltolaaten, wo hüüd en Computerruum un en Stipendium nah hüm nömmt wurrn sünd. In de fröh 1960er Johren truck he in de USA um, wo he för den Rest van sien Leven bleev, ahn aber de britisch Staatsbörgerschap uptogeven. 1946 kreeg he sien Bachelor of Arts un 1951 sien Doktertitel in Mathematik van de Universität Cambridge. In sien Dokterarbeit hett he aber en Thema ut de Chemie behannelt: De Bindungsstrukturen van Water (Lone Pair Electons). Betrüer van de Arbeit weer John Lennard-Jones. Pople hett sück sülvst ehrder as Mathematiker sehn, wiels de theoretischen Chemiker hüm as en van de wichtigsten Vertreeder van hör Stand sehn.

Sien eerst gröttere Bidrag weer 1953 en Theorie to de näherungswies Bereeken van Molekülorbitalen bi pi-Elektronen-Systemen, identisch mit de van Rudolph Pariser un Robert G. Parr in dat glieker Johr entwickelten Theorie un nu as Pariser-Parr-Pople Methode betekent. Ansluutend hett he 1965 de Methood Complete Neglect of Differential Overlap (CNDO) un kört dornah Intermediate Neglect of Differential Overlap (INDO) för de näherungswies Bereeken van de Molekülorbitale van dreedimensionalen Molekülen as ol eenige wiedere Methoden för de Computerchemie entwickelt.

He weer Paddmaker to de Entwicklung van utfielt Bereekensmethoden, so nömmt ab-initio-Methoden, de de Wellenfunktschoon ut Slater-Orbitalen oder Gauß-Orbitalen modelleeren. In de Anfängen weern disse Bereeken düchtig düer in de Dörführen. Dat Upkommen van Mikroprozessoren maakt dat hüüd lichter. Pople hett en van de hüüd an’n wiedesten verbreedt Softwarepakete för de Computerchemie, de GAUSSIAN-Programmsammlung up den Weg brocht. Dennoch wurr Pople 1991 van de Wiederentwicklung van de Software utslooten. Tatsächlich wurr hüm sogot de wiedere Gebruuk van de Software verwiegert. Oorsaak dorför weer de Aflehnen van de Kommerzialisierung van wetenschaplich Software dör Pople.

1986 gung he van de Carnegie-Mellon Universität in Pittsburgh (Pennsylvania), wo he sien fröh Leistungen recken dee, an de Northwestern University in Chicago (Illinois).

Privates

He weer siet 1952 bit to hör Dood mit Joy Bowers verheiraadt, mit de he dree Söhns un een Dochter harr.

Ehrungen

• 1971 Liddmaat American Academy of Arts and Sciences
• 1977 Liddmaat National Academy of Sciences
• 1991 ACS Award for Computers in Chemical and Pharmaceutical Research
• 1992 Wolf-Pries in Chemie
• 1998 Nobelpries för Chemie (gemeensam mit Walter Kohn)
• 2003 Knight Commander van den Order of the British Empire.

De Asia-Pacific Association of Theoretical and Computational Chemists vergifft de Pople-Medaille för Nahwusswetenschapler.

Weblinks

John Pople. Mehr Biller, Videos oder Audiodateien to’t Thema gifft dat bi Wikimedia Commons.

• John Anthony Pople up de Sieden van den Nobelpries (engelsch)
• en Foto van den jüngeren Pople (1950er)
• Pariser-Parr-Pople
• Nahroop in‘n Guardian
• John Anthony Pople im Theoretical Chemistry Genealogy Project