Johannes Remmers

Vun Wikipedia
Zur Navigation springen Zur Suche springen

Johannes Friedrich Wilhelm Remmers (* 5. Februar 1842 in Auerk; † 27. Dezember 1918) weer en düütschen lutherschen Theoloog.

Remmers is 1842 as Söhn von en Aktuar in Auerk boren. He hett an de Universitäten Erlangen un Göttingen Theologie studeert un weer dor Liddmaat von’n Erlanger un Göttinger Wingolf. Na dat Studium is he 1872 Pastoor an de Kark in Roggstee worrn. Von’n 17. Oktober 1877 bet to’n 1. Juli 1895 weer he Pastoor von de eerste Parrsteed von de Johannes-de-Döper-Kark in Engerhaaf. In dat Johr is he as Pastoor un Supperndent an de Alexander-Kark in Wei’ershiusen wesselt. Von 1900 bet 1903 weer Remmers Pastoor von de Dreefaltigkeitskark in Horborg un Generalsupperndent von de Generaldiözees Horborg. 1903 is de Generaldiözees Horborg in de Generaldiözees Stood opgahn un Remmers weer von 1904 bet 1914 Generalsupperndent von disse Generaldiözees. De Seet weer Hannover.

Von 1900 bet 1902, as dat oplööst worrn is, weer Remmers opdragswies geistlich Maat von dat Stoder Kunsistorjen. 1904 is he Maat von dat Kunsistorjen in Hannover worrn. Dat weer he, bet he 1913 in Rohstand gahn is. Von 1905 bet 1918 hett he ok to dat Landskunsistorjen tohöört.

Literatur[ännern | Bornkood ännern]

  • Philipp Meyer: Die Pastoren der Landeskirchen Hannovers und Schaumburg-Lippes seit der Reformation. Göttingen 1941/42