Johannes Pissarczyk
Johannes Pissarczyk (* 16. Januar 1931 in Breslau; † 25. Februar 2011[1]) weer en düütschen Politiker von de CDU.
Leven
[ännern | Bornkood ännern]Pissarczyk is 1931 in Breslau boren. Sien Vader hett en Bäckeree in Nippern övernahmen. Dor hett Pissarczyk leevt, bet de Familie 1945 verdreven worrn is. De Familie is denn na Oosterholt-Scharmbeek tagen. He hett 1960 von sien Vader de Bäckeree in Oosterholt-Scharmbeek övernahmen. Ok de Bäckeree Rolf in Hu’e hett he later övernahmen.
Handwarksfunkschonär
[ännern | Bornkood ännern]1965 is Pissarczyk Obermeester von de Bäckerinnung Oosterholt-Scharmbeek worrn un 1984 Viez-Kreishandwarksmeester in’n Landkreis Oosterholt.[2]
1978 is he Viez-Landsinnungsmeester bi’n Bäckerinnungs-Verband Neddersassen/Bremen worrn un 1981 Vörsitter von’n Vörstand.[2]
He weer Viezpräsident von’n Zentralverband von dat Düütsche Bäckerhandwark, von 1971 af an Maat von’n Opsichtsraad von de BÄKO Bremen, 1991 bet 1995 Vörsitter von’n Opsichtsraad von de BÄKO Bremen un Viezpräsident un Vörstand von de Ünnernehmensverbänn Handwark in Neddersassen.[2][1] In’n Vörstand von de BÄKO-Bundszentraal is he an’n 14. April 1993 wählt worrn.
Politik
[ännern | Bornkood ännern]Pissarczyk weer in’n Stadtraad un von 1981 bet 1986 Börgermeester von de Stadt Oosterholt-Scharmbeek.
Footnoten
[ännern | Bornkood ännern]- ↑ a b [http://trauer.weser-kurier.de/Traueranzeige/Johannes-Pissarczyk Truuranzeigen bi’n Weser-Kurier
- ↑ a b c Johannes Pissarczyk ist tot, Allgemeine Bäcker-Zeitung an’n 7. März 2011
