Johannes Jäcker

Vun Wikipedia

Johannes „Hennes“ bzw. „Hans“ Jäcker (* 20. November 1932 in Schweierte, † 7. April 2013 in Stendal[1]) weer en düütsch Footballspeler, Schoolmeester un Ünnernehmer.

Loopbahn as Footballspeler[ännern | Bornkood ännern]

Jäcker hett eerst bi den Vereen VfL Schwerte speelt.[2] Wiels sien Studium an de Sporthoochschool Köln speel he as Dorhöder in de Hoochschoolmannschap ünner Hennes Weisweiler. 1955 is he denn to'n 1. FC Köln wesselt, wo he aber blots een Johr bleev. Dornah is he to de Vereen Eintracht Braunschweig wesselt, wo he bit 1967 speel.[3] 1963 weer Jäcker in de Mannschap, de in de nee grünnd Football-Bundsliga upnommen wurr. Sien gröttsten sportlichen Spood harr he 1967, as Eintracht Braunschweig Düütsch Meester wurr. Jäcker keem in de Saison noch to twee Insatzen, intüschen weer Natschonalspeler Horst Wolter Stammdorhöder vun den Vereen. In dat Johr hett he sien Loopbahn nah 265 Spelen (dorvan 58 Bundsligaspelen) ok afslooten. Dornah hett he noch veer Johr lang de A-Jöögd vun den Vereen van 1968 bit 1972 traineert.[4] Later weer he noch Trainer bi den Footballvereen Leu Braunschweig, mit de he den Upstieg in de Football-Regionalliga Nord schafft hett. Van 1980 bis 1983 weer Jäcker Präsident vun Eintracht Braunschweig.[5]

Dat Leven neben sien Footballtied[ännern | Bornkood ännern]

Hennes Jäcker weer Bezirksbürgermeester vun den Brunswieker Stadtdeel Mascherode un Liddmaat vun de FDP in' Stadtraat. In de 1970er Johren hett he as Lehrer för Latien un Sport an de Gaußschule in Brunswiek arbeit.[6]

Bit to sien Tod weer Hennes Jäcker Geschäftsführer bun en Moder-un-Kind-Kurklinik in Glowe up Rügen.[7]

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. [1] Der berühmte Fußballer Hennes Jäcker ist gestorben. Afropen an' 8. April 2013
  2. Jäcker-Portrait
  3. html www.loewenblut76.de, „die Torhüter“
  4. Interview mit Jäcker auf www.wirsindeintracht.de
  5. html www.loewenblut76.de, „die Offiziellen“
  6. 1967 Zeitzeugen: Eintracht Braunschweig als Lichtblick in der Wirtschaftskrise
  7. Ostseeklinik Königshörn