Johannes Ardüser
Johannes Ardüser (* 25. Februar 1585 in Davos; † 26. März 1665 in Zürich) weer en Swiezer Mathematiker un Festungsinschenör.
Ardüser is 1585 in Davos boren un in dat Utland utbillt worrn. He stünn in neapolitaansche, veneziaansche, sweedsche un württembergsche Deensten. 1620 hett he „in Ansehung seiner Künste“ dat Börgerrecht von Zürich schenkt kregen. He hett Elisabetha Ziegler freet un is mit dat Projekteren von de drüdde Stadtbefestigung beopdragt worrn. De Bo von de Anlagen hett denn aver eerst 1642 anfungen. He harr dat Leid över den Bo toeerst tohoop mit Feldtüügmeester Johann Georg Werdmüller, later alleen. 1657 is he in’n Groten Raad von Zürich as Twölften von de Zunft zur Saffran opnahmen worrn.
Warken
[ännern | Bornkood ännern]
Ardüser hett Schriften to mathemaatsche un architektoonsche Themen schreven.
- Geometriae, theoricae et practicae: 12 Bücher. Zürich 1627.
- Geometriae, theoricae et practicae: Oder von dem Feldmässen. 14 Bücher. Zürich 1646.
- Architectura von vestungen: wie ein jeder platz auf ein neüe art zu bevestnen. 1651.
