Johann Wilhelm Reinbeck

Johann Wilhelm Reinbeck (* 1691; † 24. August 1764 in Neehuus) weer en düütschen Verwaltungsbeamten.

Reinbeck is 1691 as Söhn von Margaretha, borene Raabe (26. Juli 1661–üm 1710), un Johann Reinbeck (15. Januar 1640–2. Juli 1704) boren un an’n 8. März 1691 in Lümborg döfft worrn.

Reinbeck is 1729 Amtmann in dat Amt Kraak un Sülsdörp worrn un 1740 von dat Amt Neehuus. 1750 hett he den Charakter von en Oberamtmann kregen un is bet to sien Dood 1764 in Neehuus bleven.

He harr mit Sara Theodora von Ramdohr (üm 1708–üm 1756) de Dochter Eleonora Fridericia Reinbeck (28. September 1730–5. September 1800).