Johann Pieper

Johann Pieper (* 20. Dezember 1903 in Greetsiel; † 13. August 1985 in Oterndörp) weer en neddersassischen Politiker von de SPD.

Pieper is 1903 in Greetsiel boren un na de School von 1924 bet 1933 Beroopssoldaat ween. 1934 is he toeerst Supernumerar worrn un is 1936 as Stüürinspekter anstellt worrn. 1949 is he Stüürböverinspekter worrn. Pieper weer en Reeg Johren lang Sachgebietsleiter för Vollstreckung, Lohnstüür un Bueree. 1949 müss em dat rechte Böverbeen amputeert warrn. Von 1946 bet 1963 weer he Vörsitter von’n Bedrievs- un Personalraad bi dat Finanzamt Oterndörp.

Pieper weer Vörsitter von’n Oortsvereen von de SPD un Liddmaat in’n Kreisvörstand. Ok in’n Vörstand von’n Ünnerbezirk, Bisitter in’n erweiterten Bezirksvörstand un Liddmaat von’n Kommunalutschuss von’n Bezirk Noord-Neddersassen von de SPD weer he.

1948 is Pieper Raadsherr in de Stadt Oterndörp worrn. 1951 is he Afornten in’n Kreisdag von’n Landkreis Land Hadeln worrn un weer en Reeg Johren Frakschoonsvörsitter von de SPD in Kreisdag un Stadtraad. He weer Viez-Börgermeester von Oterndörp un Viez-Landraad von’n Landkreis Land Hadeln. In de föffte Wahlperiood von’n 27. Juli 1965 bet to’n 5. Juni 1967 un de sösste Wahlperiood von’n 6. März 1970 bet to’n 20. Juni 1970 weer he Afornten in’n Landdag von Neddersassen.