Johann Lauremberg

Vun Wikipedia

Johann Lauremberg (* 26. Februar 1590 in Rostock; † 28. Februar 1658 in Sorø) weer en nedderdüütschen Schriever.

Lauremberg is 1590 in Rostock as Söhn vun’n Mediziner un Mathematiker Wilhelm Lauremberg boren. Sien öller Broder weer de Schriever Peter Lauremberg. He füng 1608 dat Studeren in Rostock an un möök 1610 sienen Magister. In de Tiet vun 1613 bet 1616 studeer he Medizin in Paris un möök Reisen na Holland, England un Italien. 1618 güng he an de Universität to Rostock un weer Perfesser för Poesie. 1623 wessel he an de Ritterakademie in Sorø op Seeland Mathematik to lehren.

1652 hett he siene Veer Schertgedichte rutbröcht, in de he över den alamoodschen Schick vun siene Tiet spotten dee. Ok siene Meckelborg-Koort vun 1622 is nableven.

Johann Lauremberg weer ok de Broder vun Peter Lauremberg.

Warken[ännern | Bornkood ännern]

  • Pompejus Magnus. 1610
  • Zwo Comoedien...Bey dem HochFürstlichen Beylager. 1635
  • Triumphus Nuptialis Danicus. 1635
  • Ocium Soranum sive Epigrammata. 1648
  • Veer Scherzgedichte...In Nedderdüdisch gerymet. 1652 (Fraktuurstil), 1700 (Fraktuurstil), 1879 (Latienstil)
  • Musicalisch Schawspiel...Die Geschichte Arions. 1655

Literatur[ännern | Bornkood ännern]

  • Klaus Peter: Der Humor in den niederdeutschen Dichtungen Johann Laurembergs: Seine Struktur und Funktion. Köln 1967
  • Mara R. Wade: Triumphus Nuptialis Danicus. German Court Culture and Denmark. Wiesbaden 1996
  • Hermann Weimer: Laurembergs Scherzgedichte. Die Art und Zeit ihrer Entstehung. Diss. Marborg 1899