Johann Koerbecke

Vun Wikipedia

Johann Koerbecke (* um 1415-20 in Coesfeld oder Münster (Westfalen); † 13. Juli 1491 in Münster) weer en westfäälsch Maler ut de Spätgotik, de in Münster warken de.

Koerbecke is in Münster af 1446 nahwiesbor. Dat siet 1471 bewahnt Huus, gelegen in de to de Aa führend Sackgasse Wegesende, hett sien Wittfru Else um 1495 rüm an de Bildhauer Heinrich Brabender verköfft.

Koerbeke weer en Vertreder vun de westfäälsch School in de Maleree. Sien farvenfroh Wark folgt up Conrad von Soest un baut stilistisch up de un up Stephan Lochner up. Man nimmt an, dat he mit den Meester vun de Schöppinger Altar aber ok mit de Meester van 1473 in Münster tosommenarbeidt hett.

Warken[ännern | Bornkood ännern]

As Hööftwark vun Koerbecke tellt de Marienfelder Altar van 1457 ut dat Klooster Marienfeld. Dat is en Flögelaltar, de sien 16 Bildtafeln weltwiet in Museen verstreet sünd. Söss vun de Tafeln sünd in’t LWL-Landsmuseum för Kunst un Kulturgeschichte in Münster utstellt. Hier wurrd ok de Middeldeel vun de Amelsbürener Altar[1] wiest, de vun Koerbecke stammt. As en vun sien eerste Warken wurrd hüm twee Flögels vun de Langenhorster Altar (tüschen 1440 un 1450) mit je veer Passionsszenen toschreben, de ok in’t Landsmuseum utstellt sünd.

Galerie[ännern | Bornkood ännern]

Literatur, Quellen und Anmerkungen[ännern | Bornkood ännern]

  1. Malerei der Außenflügel: Meister vun 1489.