Johann Joachim Jänisch
Johann Joachim Jänisch (* 13. September 1757 in Hamborg; † 4. Dezember 1815) weer en hambörgschen Senater.
Jänisch is 1757 as Söhn von Anna Elisabeth, borene Berenberg (23. August 1719-9. Oktober 1795), un den Dokter Gottfried Jacob Jänisch (14. Juni 1707-28. März 1781) in Hamborg boren.[1] Gottfried Jacob Jänisch weer sien Broder. Jänisch hett 1776 en Studium von de Juristeree opnahmen. He weer an de Universität Göttingen. 1783 hett Jänisch as Riekskamergerichtspraktikant bi dat Riekskamergericht in Wetzlar anfungen. In’n August 1781 is he Maat von de Göttinger Freemürer-Loosch Augusta zu den drei Flammen worrn un is 1798 Provinzial-Grootsekretär von de Grote Loosch von Neddersassen worrn.
1795 is Jänisch Senater in Hamborg worrn. He weer von 1803 bet 1809 Amtmann von dat Amt Ritzbüttel.
Jänisch sien Nafolger as Senater is 1816 Andreas Christian Wolters worrn.
He hett 1787 Anna Wilhelmine Steetz (28. September 1768-24. Dezember 1812) freet.[1] De beiden harrn 13 Kinner: Ferdinand (7. April 1788-20. Juni 1835), Wilhelmine (1. Dezember 1790-31. Januar 1867), Amalia (1. August 1793-26. Mai 1827), Gottfried Wilhelm (13. Dezember 1794-21. September 1836), Hermann (27. Mai 1798-5. August 1884), Caroline (20. Mai 1800-30. Juli 1817), Johanna (20. Mai 1803-28. Mai 1856), Henriette (15. September 1804-30. Januar 1877), Johann Joachim (20. November 1806-22. August 1885), Concordia (26. Februar 1808-8. September 1878), Amanda (* 1. Juli 1809), August (26. Juni 1811-11. August 1831) un Ernst (24. Dezember 1812-31. August 1832).[1]
To Anfang dat 20. Johrhunnert hett em to Ehren de Heinrich-Bohlen-Straat in Döös (Cuxhoben) den ne’en Naam Jänischstraat kregen.
