Johann Bruns (Politiker)

Johann „Joke“ Bruns (* 25. April 1932 in Emden; † 8. Juni 2018 ok dor) weer en düütsch Politiker (SPD).

Nah den Besöök vun de Volksschool fung Bruns en Lehr as Vermeetenstechniker an. Tüschen 1952 un 1954 weer he Schöler vun dat Braunschweig-Kolleg un hett sien Abitur afleggt. Bruns is in de SPD intreeden un wurr ansluutend Jöögdsekretär vun den Düütschen Gewerkschapsbund för dat Eemsland un Oostfreesland. 1958 hett he en Tätigkeit as Dozent an de Düütsch-Nedderlannsch Heimvolkshoochschool Auerk övernommen. Van 1967 bit 1974 weer he Leiter vun de Heimvolkshoochschool in dat Europa-Haus in Auerk.

Bruns weer Vörsitter vun de neddersassisch SPD van 1984 bit 1994 as ok Liddmaat vun den Rundfunkraat vun den NDR. He weer Liddmaat vun den Landdag vun Neddersassen van’n 21. Juni 1970 bit 20. Juni 1994 (7. bit 12. Wahlperiood). Hier wurr he stellvertreedend Vörsitter vun de SPD-Landdagsfraktschoon van’n 17. September 1973 bit 20. Juni 1990 un bit 20. Juni 1994 Vörsitter vun de SPD-Landdagsfraktschoon.

Bruns is in de Nacht up den 8. Juni 2018 an den Folgen vun en Krebskrankheit storven.

Literatur

• Barbara Simon: Abgeordnete in Niedersachsen 1946–1994. Biographisches Handbuch. Hrsg. vom Präsidenten des Niedersächsischen Landtages. Niedersächsischer Landtag, Hannover 1996, S. 56–57.
• Iris Hellmich, Uwe Rozema: Johann Bruns – ein Sozialdemokrat im Strom der Zeit. 1. Auflage. Verlag Meinbestseller.de, Rotterdam 2014, ISBN 978-94-6254-739-1.