Johan Vansummeren

Johan Vansummeren (* 4. Februar 1981 in Lommel) is en belgisch Radrennfohrer.

Karriere

Vansummeren hett 2002 de U23-Utdragen vun Omloop Het Volk wunnen. Doruphen kunn he laat in‘ Sömmer för dat Team Domo-Farm Frites as Stagiaire fohren, kreeg aber kien Verdrag för de folgend Saison. He kunn denn aber för de U23-Mannschap vun Quick•Step fohren. Für dit Team wunn he in sien Klasse dat Rennen Lüttich-Bastogne-Lüttich un wurr knapp Tweet achter Sergey Lagutin bi de U-23 Straatenweltmeesterschap 2003.

För de Saison 2004 hett he en Profiverdrag bi Relax-Bodysol afslooten. Siet 2005 fohr Vansummeren för dat belgisch ProTour-Team Davitamon-Lotto un siet 2010 för Garmin-Transitions. 2005 nehm he to’n eersten Mal an de Tour de France deel (Platz 136). In dat Johr 2007 keem he up Platz 63. Nahdem sien Kapitän Christian Vande Velde bi de Tour 2010 fröh utfallen weer, wurr Vansummeren as Edelhelper för Ryder Hesjedal indeelt, mit en Grund, dat he up Platz 30 lannen dee.

2007 harr he ok all de Polen-Rundfohrt wunnen. 2008 hett he an de Olympisch Sömmerspelen deelnommen, aber kien Medaille wunnrn. Den gröttsten Spood harr he in sein bitherig Karriere aber 2011 as he bi den Klassiker Paris-Roubaix winnen kunn mit 19 Sekunn Vörsprung up Fabian Cancellara un Maarten Tjallingii.

Wat he schafft hett

2002

Omloop Het Volk (U23)

2003

Lüttich–Bastogne–Lüttich (U23)

2007

Gesamtwertung un een Deelstreck Polen-Rundfohrt

2011

Paris–Roubaix

Teams

2004: Relax-Bodysol
2005–2006: Davitamon-Lotto
2007: Predictor-Lotto
2008–2009: Silence-Lotto
2010–: Garmin-Transitions

Weblenken