Johan Cruyff

Vun Wikipedia
(wiederwiest vun Johan Cruijff)
Johan Cruyff as Kapitän vun de Elftal (1974)

Hendrik Johannes Cruijff (* 25. April 1947 in Amsterdam; † 24. März 2016 in Barcelona, Spanien[1]), bekannt as Johan oder Johann Cruyff ( Johan Cruiff D), weer en nedderlannsch Footballspeler un later Footballtrainer..

„Europas Fußballer des Jahrhunderts“[2] gull as begnadet Speelmaker un weer dat Uthangschild vun den nedderlannschen Football. Cruyff weer Star vun den „totalen Football“ (totaalvoetbal), mit den Ajax Amsterdam sien gröttste Erfolge recken dee un de Nedderlannsch Natschonalmannschap, för de he in 48 Länderspelen 33 Dooren schaaten hett, bi de WM 1974 Viezweltmeester wurr. Dornah speel he för den FC Barcelona, in den USA un wedder in den Nedderlannen (Feyenoord Rotterdam) bevör he 1984 sien aktiv Loopbahn afsluuten dee.

Ähnlich spoodriek weer he nahderhen as Trainer för Ajax Amsterdam un den FC Barcelona. In Barcelona prääg he de vun Rinus Michels up den Weg brocht Jöögdakademie La Masia (ut de nahderhen Speler as Cesc Fàbregas, Pep Guardiola un Lionel Messi hervorgungen) un form dat „Dream Team“, dat 1992 eerstmals den Europapokal vun de Landsmeester wunn.[3]

Sien Söhn Jordi Cruyff weer ebenfalls nedderlannsch Football-Natschonalspeler.

König John, as he ok nömmt wurr, weer all siet sien Jöögd en starken Rooker, kreeg nahderhen en Hartinfarkt und is toletzt an Lungenkrebs storven.

Literatur[ännern | Bornkood ännern]

Weblenken[ännern | Bornkood ännern]

Johan Cruyff. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Fußball-Legende Johan Cruyff ist tot. In: FOCUS Online. Afropen an’n 23. März 2016.
  2. [1]
  3. The Barcelona Academyl, Fifa World, 6. April 2011.