Joe Rushton
Joseph Augustine „Joe“ Rushton (* 19. April 1907 in Evanston (Illinois); † 2. März 1964 in San Francisco) weer en US-amerikaansch Basssaxophonist vun den Hot Jazz un Swing. To’n Anfang vun sien Karriere speel he Klarinette un verscheeden Saxophone; af 1928 wurr dat Basssaxophon to sien Hööftinstrument. He gellt neben Adrian Rollini as een vun de bekanntst Speler vun dit Instrument ut de Fröhtiet vun den Jazz.
Rushton hett van 1928 bit 1932 in Chicago en eegen Band leit. He speel dornah mit Pete Daily, Ted Weems (1934), Jimmy McPartland (1934-37, 1940) un Bud Freeman un hett, wenn he mal nix to doon harr, in de Luftfohrtindustrie arbeit. Denn truck he nah New York City, wo he bi Benny Goodman speel (1942/43). Anschließend weer he in Kalifornien bi Horace Heidt (1943-45) aktiv. 1947 wurr he langjohrig Liddmaat vun de Five Pennies vun Red Nichols, bi de he bit 1963 tätig weer. Ünner eegen Naam speel he 1945/47 söss Plattensieden för Jump Records in, ansonsten weer he as Begleitmusiker aktiv. He he Upnahmen makt mit Bud Jacobsen (1941), Pete Dailey, Charles La Vere (1945), Red Nichols, Paul Whiteman, Floyd O’Brien un de Rampart Street Paraders.
Lexikalisch Indrääg
[ännern | Bornkood ännern]- Carlo Bohländer: Reclams Jazzführer Reclam, Stuttgart 1970
- Richard Cook & Brian Morton: The Penguin Guide to Jazz on CD 6th edition. ISBN 0-14-051521-6
- Leonard Feather, Ira Gitler: The Biographical Encyclopedia of Jazz. Oxford University Press, Oxford usw. 1999; ISBN 978-0-19-532000-8
- John Jörgensen, Erik Wiedemann Jazzlexikon. Mosaik, München, 1967
Weblenken
[ännern | Bornkood ännern]- Scott Yanow över Joe Rushton bi Allmusic.com (engelsch)
- Diskographie
- Porträt (engelsch)