Joanne Brackeen
Joanne Brackeen (* 26. Juli 1938 in Ventura (Kalifornien) as Jo Anne Grogan) is en US-amerikaansch Jazzpianistin un Hoochschoollehrerin.
Leven un Wirken
[ännern | Bornkood ännern]Brackeen hett mit elf Johren Klaveer lehrt, indem se de Soli vun Platten vun Frankie Carle nahspelen dee un ok hör „innere Musik“ up dat Instrument ertönen leet. Se harr ok later blots wenig Musikstünnen un hett 1958 all nah dree Daag dat Konservatorium vun Los Angeles verlaaten. Wenig later folgten eerste Upträen mit Dexter Gordon, Teddy Edwards, Harold Land, Bobby Hutcherson, Don Cherry, Charlie Haden un Charles Lloyd. Se hett ok an eenig Soul Jazz Alben vun den Vibraphonisten Freddie McCoy mitwarkt. Nah de Heirat mit Saxophonist Charles Brackeen (intüschen Schett) muss se sück vun de Szene torüchtrecken, um hör Kinner (2 Döchter, 2 Söhns) uptodrecken. 1966, intüschen nah New York City trucken, is se weer in de Apenlichkeit uptreeden. 1969 hett se mit Woody Shaw un David Liebman arbeit. Tüschen 1969 un 1972 weer Brackeen dat eerste wievlich Liddmaat vun Art Blakey sien Jazz Messengers. Ansluutend folgten Engagements bi Joe Henderson (1972–75) un bi Stan Getz (1975–1977), bevör se – as herutragen Pianistin anerkannt – hör eegen Trios un Quartette grünnen dee, in de ünner annern Ravi Coltrane, Eddie Gomez, Jack DeJohnette, Cecil McBee un Billy Hart spelen deen. Se is ok solo – to‘n Bispeel in de Carnegie Hall – uptreeden.
Brackeen hett de gesamte Geschichte des Jazz – insluutend Abstraktschoon un Fusion – verarbeit. Hör musikalisch Spannwiet reckt vun Standards över modalen Jazz to free Improvisatschoon. Mittlerwiel hett se över 300 Stücke komponeert. Hör Kompositschonen, deelwies mit verschaven Rhythmen un idiosynkratischen Melodien entstammen de Traditschoon, klingen aber faken hardbopverhaft. Hör Flexibilität un Produktivität sekert hör in de Jazzkritik en Platz as hoochrangig Pianistin – Leonard Feather hett bispeelswies anmarkt, dat se för de 1980er so wichtig weer, as Bill Evans oder Herbie Hancock för de 1960er un Keith Jarrett un McCoy Tyner för de 1970er. Hör Album Pink Elephant Magic wurr 1999 för den Grammy nomineert. Ofschons se sück dat Jazzklaveer autodidaktisch erarbeit hett, is Joanne Brackeen siet 1994 Perfessersche an dat Berklee College of Music.
Ehrungen
[ännern | Bornkood ännern]Zitate
[ännern | Bornkood ännern]Brackeen, like Picasso, broke convention, and she always likely will.|Marian McPartland