Jimmy Ekho

Jimmy Ekho (ok Jamie Tiglik; * 26. April 1960 in Iqaluit; † 10. Juni 2008 ok dor) weer en Inuit-Künstler, de ok as Arctic Elvis optreden dee.

Ekho is in Iqaluit in Kanada boren un kreeg mit fief sien eerste Gitarr. Later is he as Arctic Elvis optreden un hett in Elvis Presley sien Stil sungen, aver mehrsttiets in siene Mudderspraak Inuktitut. Leder vun Presley hett he meist gornich sungen. Bi siene Optreed harr he jümmer en Antog ut Saalhundfell an. Ok bi dat Festival Folk on the Rocks dee he optreden. CDs gifft dat vun em blot ene, de in lüttje Oplaag rutkamen is. He hett denn bi dat Nunatta-Sunakkutaangit-Museum in Iqaluit arbeit.