Jewgeni Jurjewitsch Tomaschewski

Vun Wikipedia
Jewgeni Tomaschewski, 2013

Jewgeni Jurjewitsch Tomaschewski (russisch: Евгений Юрьевич Томашевский, wetenschaplich Transliteratschoon Evgenij Tomaševskij; * 1. Juli 1987 in Saratow) is en führen russisch Schachmeester.

Leven[ännern | Bornkood ännern]

Tomaschewski wurr 1997 russisch Jöögdmeester U10, 2001 Sieger van de U18, in dat sülvige Johr speel he eerstmals an de Meesterschap van de Utwussen in Elista mit, wo he as 14-Johriger meest 50 Perzent van de Punkte sammeln dee un sück achtnor slahn hett. Bi de Jöögdweltmeesterschap U16 in Kallithea (Chalkidiki) 2003 wunn he de Bronzemedaille, bi de Jöögdweltmeesterschap U18 in Iraklio in dat Folgejohr wurr he Viezweltmeester achter den poolsch Speler Radosław Wojtaszek. 2005 hett he sück weer för dat Finale van de russisch Meesterschap in Moskau qualifizeert, de in dat Johr besünners stark besett weer un van Sergei Rublewski wunnen wurr.

In dat sülvige Johr kreeg he van de FIDE den Grootmeestertitel tospraaken. De erforderlichen Normen hett he in‘ Juli 2001 bi dat Czech Open in Pardubice, in‘ August 2004 bi en GM-Turnier in Saratow un in‘ November 2004 bi en Turnier in Serpuchow reckt.[1] 2006 deel he Platz 1 bi dat Czech Open in Pardubice un Platz 2 in de Hööchste Liga van Russland, dat Qualifikatschonsturnier in Tomsk to de russisch Meesterschap in dat sülvige Johr, bi de Tomaschewski en deelt fievte Rang gelung. 2007 wurr he achter Jewgeni Alexejew deelt Tweet (mit Dmitri Jakowenko, Ni Hua un Wang Yue) bi dat bannig stark besett Aeroflot Open in Moskau. In dat sülvig Johr deel he sück den 1. Platz in de Hööchste Liga van Russland in Krasnojarsk un qualifizeer sück dormit weer för dat Finale in dat sülvige Johr. Dat wurr weer in Moskau utdragen un Tomaschewski keem achter Alexander Morosewitsch un Alexander Grischtschuk up den darten Platz.[2] In‘ März 2009 wunn he in Budva de Europameesterschap nah en Steekkamp gegen Wladimir Malachow.

Tomaschewski hett veermal an‘ Schach-Weltpokal deelnommen. Wiels he 2007, 2009 un 2011 jewiels in de dart Runn utscheeden dee, reck he 2013 dör Siege gegen Alejandro Ramírez, Wesley So, Lewon Aronjan, Alexander Morosewitsch un Gata Kamsky dat Halffinale, in dat he gegen Dmitri Andreikin verlor. In‘ August 2015 wunn he mit en half Punkt Vörsprung up Sergey Karjakin de Russisch Schachmeesterschap[3]. In‘ Juni 2016 kreeg Tomaschewski den Ehrentitel Verdeent Meester vun den Sport. Sien Ehefru Lidija (borene Tomnikowa), mit de he siet 2014 verheiraadt is, drocht den Titel vun en Internatschonale Meesterin vun den Fruen (WIM).

Sien best Elo-Tall weer bitlang 2758. De reck he in‘ September 2015.

Natschonalmannschap[ännern | Bornkood ännern]

Mit de russisch Natschonalmannschap hett Tomaschewski an de Schacholympiaden 2010 (in de tweet Mannschap) un 2012 deelnommen un reck 2012 mit de Mannschap den tweeten Platz.[4] An de Mannschaftsweltmeesterschap hett he 2010 un 2015 deelnommen. 2010 wunn he mit de russisch Mannschap un 2015 reck he dat tweetbest Ergevnis an dat darte Brett.[5] Bi sien Deelnahmen an Mannschapseuropameesterschap reck he mit de Mannschap 2009 Platz 2, in 2013 Platz 3 un wunn 2015.[6]

Vereens[ännern | Bornkood ännern]

Tomaschewski neben Anatoli Karpov (re.) in de Partie gegen Tigran Gharamian (li.) bi de Bundsliga-Finalrunn 2017 in Berlin

In de russisch Mannschapsmeesterschap in‘ Schach speel Tomaschewski 2002 för GShK Saratow, 2005 bit 2013 för Ekonomist-1 Saratow un 2014 för Jugra Chanty-Mansijsk.[7] Mit Ekonomist-1 Saratow nehm he ok in de Johren 2007 bis 2012 an‘ European Club Cup deel un wunn mit sien Vereen 2009 un 2010. 2015 nehm Tomaschewski mit den SK Alkaloid Skopje an‘ European Club Cup deel.[8] In de düütsch Bundsliga speelt Tomaschewski siet de Saison 2015/16 för de SV 1930 Hockenheim.

Weblenken[ännern | Bornkood ännern]

Jewgeni Tomaschewski. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. GM-Andrag bi de FIDE (engelsch)
  2. Turnierergevnisse nah Megabase 2008
  3. Bericht bi ChessBase
  4. Ergevnisse van Jewgeni Tomaschewski bi Schacholympiaden up olimpbase.org (engelsch)
  5. Ergevnisse van Jewgeni Tomaschewski bi Mannschapsweltmeesterschapen up olimpbase.org (engelsch)
  6. Ergevnisse van Jewgeni Tomaschewski bi Mannschapseuropameesterschapen up olimpbase.org (engelsch)
  7. Ergevnisse van Jewgeni Tomaschewski bi russisch Mannschapsmeesterschapen up olimpbase.org (engelsch)
  8. Ergevnisse van Jewgeni Tomaschewski bii European Club Cups up olimpbase.org (engelsch)