Jasmin Tabatabai

Jasmin Tabatabai mit hör Levensgefährten Andreas Pietschmann up de Berlinale 2011

Jasmin Tabatabai (persisch:یاسمین طباطبائی}} [[jɔːsˈmiːn tæbɔːtæbɔːˈiː]]; * 8. Juni 1967 in Teheran) is en düütsch-iransch Schauspielerin un Musikerin.

Leven

Jasmin Tabatabai

De Vader vun Tabatabai weer Iraner, hör Moder stammt ut Düütschland. Se hemm sück 1956 up dat Münchner Oktoberfest kennen lehrt. Van 1958 bit 1979 leev de Familie in Teheran, wo Jasmin Tabatabai de Düütsch School besööken dee. Wiels de Islamische Revolutschoon hett de Familie dat Land verlaaten. De Vader kehr nah een Johr in Düütschland in den Iran torüch, wo he 1986 storven is. Jasmin Tabatabai hett beid Staatsbörgerschapen.

Nah dat Abitur 1986 an dat Gymnasium in Planegg studeer Jasmin Tabatabai an de Hoochschool för Musik un Kunst in Stuttgart Musik un Schauspeel.

Jasmin Tabatabai weer siet den 1. Juni 2003 mit den amerikaanschen Musiker Tico Zamora verheiraadt un hett mit hüm siet den 3. Dezember 2002 en Dochter. Siet Sömmer 2006 leevt Jasmin Tabatabai von hör Ehemann trennt. Siet Sömmer 2007 is Tabatabai mit den Schauspeler Andreas Pietschmann tosommen, den se bi de Dreiharbeiten to de TV-Serie Rosa Roth – Der Tag wird kommen kennen lehrt hett. Mit Andreas Pietschmann hett se hör tweet Dochter, de an' 5. Juli 2009 boren wurr. Tosommen leevt se in Berlin-Pankow. An' 13. August 2013 keem hör dart Kind to Welt, en Söhn.

Schauspeel

För den Film opdeckt wurr se kört nah dat Enn' vun hör Utbillen, se speel 1992 de Hööftrull in den Swiezer Kinospeelfilm Kinder der Landstrasse, woför se ok an dat Filmfestival vun Amiens in Frankriek den Pries as best Hööftdorstellerin kreeg. 1995 stunn se för Die Mediocren an de Siet vun Jürgen Vogel eerstmals in hör Heimat Düütschland vör de Kamera. Den Dörbröök broch hör 1997 de Rull vun de Utbrekerin Luna in Katja von Garnier hör Musikfilm Bandits. Ebenfalls 1997 synchroniseer se de Figur Meg in Disney sien Hercules (Spraak un Gesang) un 2007 de Ick-Vertellerin Marjane Satrapi in den franzööschen Film Persepolis. Jasmin Tabatabai speel in Filmen vun Peter Stauch (Help the Old, Pieces of my Heart), Helmut Dietl (Late Show), Oskar Roehler (Gierig, Die Unberührbare), Xavier Koller (Gripsholm), Angelina Maccarone (Fremde Haut) un Ralf Huettner (Mondscheintarif). 2006 un 2007 speel se bi de Wormser Nibelungenfestspelen de Kriemhild.

Neben Senta Berger, Hannelore Elsner un anner bekannt Schauspelerinnen hörr se 2001 to dat düütsch Synchronensemble vun den prieskröönten franzööschen Film 8 Frauen.

In' Juni as ok in' November/Dezember 2008 stunn se in dat Berliner Theater am Kurfürstendamm in en free Interpretatschoon vun dat Bühnenstück Drei Schwestern mit Katja Riemann, Nicolette Krebitz, Frank Voigtmann un annern up de Bühne.

Musik

Jasmin Tabatabei arbeit ok as Komponistin un Singerin. 1993 hett se de Band Even Cowgirls Get The Blues grünnd, mit de se dree Alben herutbrocht un vun de se sück 1997 trennt hett. 2001 grünn se dat Plattenlabel Polytrash. In dat Fröhjahr 2002 keem hör eerst Solo-Album mit den Titel Only Love herut. För den amerikaanschen Speelfilm Iron Jawed Angels vun Katja von Garnier komponeer un sung se fiev Leeder tosommen mit hör dormalig Mann, den amerikaanschen Musiker Tico Zamora. 2003 wark se an dat Benefizprojekt to'n Red Nose Day för ProSieben mit un hett ünner annern mit Nena, Ben, Sasha, Udo Lindenberg, Joachim Witt un Helge Schneider dat Lied Wunder geschehen sungen. 2005 sung se dat Stück Ich bin die Nacht, dat up dat Album Selma – in Sehnsucht eingehüllt verapenlicht wurr. 2007 keem hör tweet Solo-Album I Ran herut.

Sonstiges

Jasmin Tabatabai weer an' 23. Mai 2009 Liddmaat vun de 13. Bundsversammlung. Se hett dat land Baden-Württemberg vertreeden un weer vun de Landdagsfraktschoon vun Bündnis 90/Die Grönen nomineert wurrn.

In dat Book Rosenjahre beschrifft Jasmin Tabatabai hör fröh Kindheitserinnerungen in' Iran.

Filmografie (Utwahl)

Tabatabai up de Berlinale 2011

• 1992: Kinder der Landstrasse
• 1993: Dann eben mit Gewalt
• 1995: Alles außer Mord – Das Kuckucksei
• 1995: Die Mediocren
• 1995: Tatort – Herz As
• 1996: Die Putzfraueninsel
• 1996 oder 1997: Unbeständig und Kühl
• 1997: Hercules (Synchroon)
• 1997: Bandits
• 1997: Verspielte Nächte
• 1998: Rendezvous mit dem Teufel
• 1998: Help the old
• 1999: Late Show
• 1999: Gierig
• 2000: Die Unberührbare
• 2000: Gripsholm
• 2001: Mondscheintarif
• 2001: Jeans
• 2002: Nogo
• 2003: Willi wills wissen
• 2003: Sams in Gefahr
• 2004: Sergeant Pepper
• 2005: Fremde Haut
• 2006: Noch einmal lieben
• 2006: Elementarteilchen
• 2006: Vier Minuten
• 2006: Blood and Chocolate
• 2006: Fay Grim
• 2007: Die ProSieben Märchenstunde: Die Prinzessin auf der Erbse
• 2007: Persepolis (Synchron)
• 2007: Rosa Roth – Der Tag wird kommen
• 2007: Meine schöne Bescherung
• 2008: Der Baader Meinhof Komplex
• 2009: Altiplano
• 2009: Deutschland 09
• 2010: Der Staatsanwalt – Tödliche Erkenntnis
• 2011: Donna Leon – Das Mädchen seiner Träume
• 2011: Der letzte Bulle
• 2012: Kommissarin Lucas – Die sieben Gesichter der Furcht
• siet 2012: Letzte Spur Berlin
• 2013: Danni Lowinski

Utteknungen

• 1992 – Filmfestival Amiens, Frankriek, Best Hööftdorstellerin
• 1998 – DIVA – Deutscher Entertainment Preis
• 2008 – Synchroon-Oscar
• 2012 – Echo Jazz in de Kategorie Sängerin des Jahres national

Schriften

• Jasmin Tabatabai: Rosenjahre – Meine Familie zwischen Persien und Deutschland. Ullstein, Berlin 2010, ISBN 978-3-550-08837-7 (über ihre frühen Kindheitserinnerungen im Iran).

Weblenken

Jasmin Tabatabai. Mehr Biller, Videos oder Audiodateien to’t Thema gifft dat bi Wikimedia Commons.

• Jasmin Tabatabai in de Internet Movie Database (engelsch)
• DNB-Katalog
• Jasmin Tabatabai gewinnt "Synchron-Oscar" - Tsp. 3. April 2008
• In der Mitte des Lebens Interview mit Jasmin Tabatabai vun Wiebke Hollersen un Sabine Rennefanz in dat Magazin vun de Berliner Zeitung van' 31. Mai 2008