Jana Sussmann
Jana Sussmann (* 12. Oktober 1990 in Hamborg) is en düütsche Lichtathletin.
Sussmann is 1990 in Hamborg boren. Se is bet 31. Dezember 2011 för de LG Noordheid an’n Start gahn, mit’n 1. Januar 2012 is se na dat Loop-Team Haspa Marathon Hamborg e.V. wesselt.[1]. Dor warrt se von André Prüsmann traineert. Se hett en Lehr as Bankkoopfro afslaten un studeert nu Medien un Informatschoon an de HAW Hamborg.
Sussmann hett as Middelstreckenlöperin anfungen un weer in de Jugend- un Juniorentied vör allen över 1500 Meter besünners good. Bi de Lichtathletik-Juniorenweltmeesterschoppen 2008 in Bydgoszcz hett se över 1500 Meter den söventen Platz maakt. Bi de Düütschen Lichtathletik-Hallenmeesterschoppen 2009 in Leipzig is se ok Sövente worrn un bi de Düütschen Lichtathletik-Meesterschoppen buten in Ulm Achte.
Von 2010 af an hett Sussmann sik op den Hinnernisloop kunzentreert. Bi de Düütschen Lichtathletik-Meesterschoppen 2010 in Bruunswiek hett se na Susi Lutz den tweten Rang maakt. 2011 hett se bi de U23-Europameesterschoppen in Ostrava de Sülvermedallje kregen. Een Week later is se in Kassel Düütsche Meesterin in’n Hinnernisloop worrn. Ehr tweeten Düütschen Meestertitel reck se an' 5. März 2016 in' Crossloop.
Bestleistungen[ännern | Bornkood ännern]
- 800 m: 2:05,91 min, 22. Juni 2008, Mannheim
- 1500 m: 4:16,98 min, 11. Juni 2011, Zeven
- 3000 m: 9:06,35 min, 27. Juni 2014, Ostroe
- 5000 m: 15:54,92 min, 25. Mai 2011, Koblenz
- Hinnernisloop: 9:41,05 min, 3. September 2016, Berlin
Footnoten[ännern | Bornkood ännern]
- ↑ LG Nordheide künftig ohne Jana Sussmann, Harburger Anzeigen und Nachrichten vom 21. November 2011
Weblenken[ännern | Bornkood ännern]
- Websteed von Jana Sussmann (hoochdüütsch)