Jan Werle

Jan Werle 2016 in Karlsruhe

Jan Werle (* 15. Januar 1984 in Warnsveld) is en nedderlannsch Schachmeester.

Loopbahn un Leven

Werle hett wunnen oder vördere Plätze in mehreren Turnieren beleggt: 2.–6. Platz bi dat Open in Dieren (2001), 2.–4. Platz bi dat Harmonie-Turnier in Grunneng (2002), 2.–3. Platz bi dat Corus-C-Turnier in Wijk aan Zee (2006) un 1.–2. Platz bi dat Essent Open in Hoogeveen (2006). 1. Platz in Oslo 2014 Sien gröttste Eenzelerfolg weer aber de Sieg bi dat Europääsch Individual Open 2008 in Liverpool för so bekannt Speler as Viktor Laznicka, Michael Adams, Nigel Short, Étienne Bacrot, Maxime Vachier-Lagrave, Sergey Tiviakov un annern.

Siet 2006 drocht he den Großmeester-Titel.

Werle is siet 2019 mit de WGM Iozefina Paulet verheiraadt.

Natschonalmannschap

För de nedderlannsch Natschonalmannschap hett he an de Schacholympiade 2008 deelnommen un ok an de Mannschapseuropameesterschap 2009.

Vereene

In de nedderlannsch Meesterklasse speel Werle to’n eersten Mal in de Saison 1999/2000 mit den Schaakclub Groningen. Ok in de Saison 2001/02 speel he mit Groningen in de Meesterklasse, dornah is he to ZZICT/De Variant Breda wesselr, mit de he 2003, 2004 un 2005 nedderlannsch Mannschapsmeester wurr. Siet 2005 speel he weer för den Schaakclub Groningen, mit den he 2007 de nedderlannsch Mannschapsmeesterschap wunnen hett.

In de düütsch 1. Bundsliga speel he van 2002 bit 2011 för de Schachgesellschaft Solingen, siet de Saison 2015/16 speelt he för den SV Werder Bremen. In de britisch Four Nations Chess League speel he in de Saisons 2004/05 un 2006/07 för Bristol, in de belgisch Interclubs in de Saison 2018/19 för den Koninklijke Brugse Schaakkring.

Sien hööchste Elo-Tall weer bitlang 2607, de he in’n Januar 2009 recken dee. He hett an de Universität Grunneng Recht studeert.

Weblinks

• FIDE-Koort

Jan Werle. Mehr Biller, Videos oder Audiodateien to’t Thema gifft dat bi Wikimedia Commons.

• Indrag bi chessgames.com (engelsch)