James Stewart (Schauspeler)

James Maitland Stewart (* 20. Mai 1908 in Indiana, Pennsylvania; † 2. Juli 1997 in Beverly Hills, Kalifornien, USA) weer en US-amerikaanschen Filmschauspeler, de in sien Rullen vör allen as „feinen Kerl“ un „oprechten Amerikaner“ besett weer. Stewart hett in vele Filmklassikers bedüdene Rullen speelt un mehrere Johrteihnten lang mit rutragen Speelbasen tohopenarbeit. Dat renommeerte American Film Institute hett Stewart op den drüdden Platz op de List vun de 25 gröttsten männlichen Filmlegennen vun all Tieten wählt.

Leven un Loopbahn

James Stewart wull egentlich Architekt vun Beroop warrn un hett in dat Fack ok en Afsluss maakt. Arbeit hett he in den Beroop dorna aver nich, man he slööt sik en lütte Theatergrupp an, de sik Falmouth Players nömen. Op dissen Weg keem he an’n Broadway.

Stewart is al in de 1930er Johren Filmstar worrn. In’t Johr 1941 hett he en Oscar wunnen as beste Schauspeler in den Film The Philadelphia Story, in den he tosamen mit Cary Grant un Katharine Hepburn spelen de. Disse Oscar warrt allgemeen as en Utgliek för dat Vörjohr sehn, as Stewart in den Film Mr. Smith Goes To Washington sien villicht beste Dorstellen wiest hett, bi de Verlehen aver gegen Robert Donat ünnerleeg.

In’n Tweeten Weltkrieg deen Stewart af 1941 in de US Army Air Force. As Operatschoonsoffizeer vun en in England statschoneerten Bombergrupp hett he 1944 an mehr as twintig Feendflagen deelnahmen un is mit hoge Utteken wedder torüch na Amerika kamen. He weer dorna Offizeer vun de Reserve bi de US Air Force un been sien Militärloopbahn 1960 in’n Rang vun en Brigaadgeneral.

Sien Filmloopbahn is kenntekent dör Rullen, in de he mit wenige Utnahmen moraalsch reine Persönlichkeiten dorstell, de grote Döög wiesen. Dat tögerliche Wesen, dat he sien Figuren geev, hett to siene Tiet en Teken sett. Sien Dorstellen in de Hööftrull vun den Film It’s a Wonderful Life weer een vun de Hööchpunkten in sien Loopbahn.

In’t Öller vun 41 Johren hett he de Weetfro Gloria Hatrick McLean heiraat. Tosamen harrn se twee Döchter, neemlich de Tweeschen Kelly un Judy. Twee wietere Kinner, de Söhnen Ronald un Michael bröch sien Fro ut ehr eerste Eh mit. Ehr Söhn Ronald is as Soldat in’n Vietnamkrieg fallen.

Bit Enn vun de 1940er Johren speel Stewart tomeist den „strahlen Helden“, künn denn aver en Imagewannel maken. So speel he twüschen 1949 un 1958 in veer Filmen vun Alfred Hitchcock mehr Personen, de op ünnerscheedliche Oord un Wies Swäcken harrn. In de 1950er Johren hett he ok in en poor Western-Filmen mitspeelt, de besten dorvun ünner Speelbaas Anthony Mann. Mit siene Rullen is he dorbi bi de Tokiekers to’t Leddbild vun’n oprechten US-Amerikaner worrn.

Stewart is an’n 2. Juli 1997 in’t Öller vun 89 Johren in sien Huus in Beverly Hills doodbleven. He harr en Lungenembolie un Verseggen vun’n Kreisloop nadem he lang al Lasten mit de Atenweeg harr. Bisett weer Stewart in’n Forest Lawn Memorial Park Cemetery in Glendale, Kalifornien.

Filmografie (Utwahl)

Johr	Titel	Synchroonsnacker
1935	The Murder Man dt.: Der Mann für Mord	Sigmar Solbach
1936	Wife vs. Secretary dt.: Seine Sekretärin	Sigmar Solbach
1936	Born to Dance dt.: Zum Tanzen geboren	Sigmar Solbach
1936	After the Thin Man dt.: Nach dem dünnen Mann	Gerhart Lippert
1937	The Last Gangster dt.: Der letzte Gangster	Sigmar Solbach
1938	The Shopworn Angel dt.: Engel aus zweiter Hand	Sigmar Solbach
1939	Made for Each Other dt.: Ein ideales Paar	Hartmut Becker
1939	It’s a Wonderful World dt.: Drunter und drüber	Sigmar Solbach
1939	Mr. Smith Goes to Washington dt.: Mr. Smith geht nach Washington	Eckart Dux
1939	Destry Rides Again dt.: Der große Bluff	Otto-Eduard Hasse (1. Synchro 1947) Sigmar Solbach (2. Synchro, TV) Stephan Schwartz (3. Synchro 2004)
1940	The Mortal Storm dt.: Tödlicher Sturm	Eckart Dux
1940	The Philadelphia Story dt.: Die Nacht vor der Hochzeit	Hans Nielsen
1941	Ziegfeld Girl dt.: Mädchen im Rampenlicht	Otto-Eduard Hasse
1946	It’s a Wonderful Life dt.: Ist das Leben nicht schön?	Günther Dockerill
1947	Magic Town dt.: Fremde Stadt	Sigmar Solbach
1948	Call Northside 777 dt.: Kennwort 777	Hans Nielsen (1. Synchro 1949) Eckart Dux (2. Synchro 1969)
1948	Rope dt.: Cocktail für eine Leiche	Siegmar Schneider (1. Synchro 1963) Siegmar Schneider (2. Synchro 1984)
1949	The Stratton Story
1950	Winchester ’73 dt.: Winchester 73	Siegmar Schneider
1950	Broken Arrow dt.: Der gebrochene Pfeil	Ernst Fritz Fürbringer (1. Synchro 1951) Eckart Dux (2. Synchro 1966)
1950	Harvey dt.: Mein Freund Harvey	Viktor de Kowa
1951	No Highway dt.: Die Reise ins Ungewisse	Viktor de Kowa
1952	Bend of the River dt.: Meuterei am Schlangenfluß	Siegmar Schneider (1. Synchro, Kino) Stephan Schwartz (2. Synchro, DVD)
1952	Carbine Williams dt.: Stärker als Ketten	Hans Nielsen
1953	The Naked Spur dt.: Nackte Gewalt	Horst Niendorf
1954	The Far Country dt.: Über den Todespaß	Siegmar Schneider
1954	The Glenn Miller Story dt.: Die Glenn Miller Story	Siegmar Schneider (1. & 2. Synchro)
1954	Rear Window dt.: Das Fenster zum Hof	Siegmar Schneider (1. & 2. Synchro)
1955	Strategic Air Command dt.: In geheimer Kommandosache	Siegmar Schneider
1955	The Man from Laramie dt.: Der Mann aus Laramie	Siegmar Schneider
1956	The Man Who Knew Too Much dt.: Der Mann, der zuviel wusste	Siegmar Schneider
1957	Night Passage dt.: Die Uhr ist abgelaufen	Siegmar Schneider
1958	Vertigo dt.: Vertigo – Aus dem Reich der Toten	Siegmar Schneider (1. & 2. Synchro)
1958	Bell, Book and Candle dt.: Meine Braut ist übersinnlich	Siegmar Schneider
1959	Anatomy of a Murder dt.: Anatomie eines Mordes	Hans Nielsen
1959	The FBI Story dt.: Geheimagent des FBI	Friedrich Schoenfelder
1961	Two Rode Together dt.: Zwei ritten zusammen	Wolfgang Lukschy
1962	The Man Who Shot Liberty Valance dt.: Der Mann der Liberty Valance erschoss	Frank-Otto Schenk
1962	Mr. Hobbs Takes a Vacation dt.: Mr. Hobbs macht Ferien	Siegmar Schneider
1962	How the West Was Won dt.: Das war der wilde Westen	Siegmar Schneider
1965	Dear Brigitte dt.: Geliebte Brigitte	Hans Nielsen
1965	Shenandoah dt.: Der Mann vom großen Fluß	Siegmar Schneider
1965	The Flight of the Phoenix dt.: Der Flug des Phoenix	Siegmar Schneider
1966	The Rare Breed dt.: Rancho River	Siegmar Schneider
1968	Firecreek dt.: Die fünf Vogelfreien	Siegmar Schneider
1968	Bandolero! dt.: Bandolero	Siegmar Schneider
1970	The Cheyenne Social Club dt.: Geschossen wird ab Mitternacht	Siegmar Schneider
1971	Fools’ Parade dt.: Die Gnadenlosen	Holger Hagen
1973-74	Hawkins, Feernsehreeg	Siegmar Schneider
1976	The Shootist dt.: Der Scharfschütze	Siegfried Schürenberg
1978	The Magic of Lassie dt.: Unsere Lassie
1986	North and South, Feernsehreeg dt.: Fackeln im Sturm	Friedrich Schoenfelder

Utteken

James Stewart is för sien Schauspeel 46 mol för bedüdene Filmpriesen vörslahn wesen un hett 27 Priesen wunnen, dorünner to’n Bispeel:

1939: den NYFCC Award in de Kategorie Best Dorsteller för Mr. Smith Goes to Washington
1941: den Oscar in de Kategorie Best Hööftdorsteller för The Philadelphia Story
1959: den NYFCC Award in de Kategorie Best Dorsteller för Anatomy of a Murder
1960: den Golden Laurel in de Kategorie Best dramaatsch Dorstellen för Anatomy of a Murder
1960: sien Steern op’n Walk of Fame
1965: den Cecil B. DeMille Award vun de Golden Globes
1969: den Pries för’t Levenswark vun de Screen Actors Guild Awards
1974: den Golden Globe in de Kategorie Best Serien-Hööftdorsteller – Drama för Hawkins
1982: den Golden Ehrenboor vun de Internatschonalen Filmfestspele Berlin
1985: den Ehrenoscar för föfftig Johren unvergeten Dorstellkunst

Literatur

Donald Dewey: James Stewart. Ein Leben für den Film (OT: James Stewart. A Biography). Henschel (Dornier Medienholding), Berlin 1997, ISBN 3-89487-270-5
Howard Thompson: James Stewart. Seine Filme – sein Leben. Heyne, München 1988, ISBN 3-453-86003-9
Tony Thomas: A Wonderful Life. The Films and Career of James Stewart. Citadel Press, Secaucus (N.J.) 1988, ISBN 0-8065-1081-1
Adolf Heinzlmeier: James Stewart. Der Mann aus Laramie., in Adolf Heinzlmeier, Berndt Schulz, Karsten Witte: Die Unsterblichen des Kinos. Band 2: Glanz und Mythos der Stars der 40er und 50er Jahre. S. Fischer, Frankfort an’n Main 1980, ISBN 3-596-23658-4, S. 97–103

Weblenken

James Stewart. Mehr Biller, Videos oder Audiodateien to’t Thema gifft dat bi Wikimedia Commons.

James Stewart in de Internet Movie Database (engelsch)
Literatur vun un över James Stewart i’n Katalog vun de Düütschen Natschonalbökeree