Jake Hanna

Vun Wikipedia
Zur Navigation springen Zur Suche springen

John „Jake“ Hanna (* 4. April 1931 in Roxbury, Massachusetts; † 12. Februar 2010 in Los Angeles) weer en US-amerikaansch Jazz-Slagtüüchspeler vun den Swing un Mainstream Jazz.

Hanna speel to Anfang vun sien Karriere in lokalen Bands in Boston, studeer an dat Berklee College un weer in de 1950er un 1960er Johren de Huus-Drummer vun dat Storyville in Boston. He hett 1957 mit Toshiko Akiyoshi arbeit, in dat folgend Johr mit Maynard Ferguson, Marian McPartland (1959-61) un in Woody Herman sien Orchester van 1962 bit 1964. Buterdem weer he as Studiomusiker in Los Angeles an tallriek Plattensessions bedeeligt, mit Oscar Peterson, Bing Crosby, Barney Kessel, Red Norvo, Al Cohn, Buddy Tate un Rosemary Clooney, bi Carl Fontana Midden vun de 1970er Johren; dorto hett he ok noch in de Formatschoon Supersax arbeit. Af Midden vun de 1970er Johren weer he Sessionmusiker för Upnahmen vun dat Concord-Label un speel up deren alljohrig Festivals un All-Star-Tourneen in Japan un Europa. Bi dat sülvige Label nehm he ünner eegen Naam eenig Alben up, up de Carl Fontana, Dave McKenna, Herb Ellis un annern as Gastmusiker speelen deen. Enn‘ vun de 1970er hett he in en Trio mit Marian McPartland un Brian Torff arbeit.

Jake Hanna weer en völbeschäftig Slagtüüchspeler vun den Mainstream-Jazz un hett an völ Plattenupnahmen vun Künstlern vun dat Concord-Label mitwarkt.

Diskographisch Henwiesen[ännern | Bornkood ännern]

  • Live at the Concord (Concord Jazz, 1975)
  • Kansas City Express (Concord, 1976)
  • Jake Takes Manhattan (Concord, 1976)
  • Joint Is Jumpin’ (Arbors, 1998)

Literatur[ännern | Bornkood ännern]

Weblenken[ännern | Bornkood ännern]