Jaan Ehlvest
Jaan Ehlvest (* 14. Oktober 1962 in Tallinn) is en bedüüdend eestnisch Schachgrootmeester.
He hett dat Schachspeel vun sien Moder lehrt, as he söss Johr old weer. Mit acht Jorehn kreeg he all en utbild Trainer un mit 14 Johr wunn he al de Stadtmeesterschap vun Tallinn (bi de Senioren). Wiels he Talent harr, hett he ok Inladungen kregen to Lehrgänge in de Schachschool vun Michail Botwinnik. Dor hett he denn ok Bekanntschap maakt mit Garri Kasparow.
1981 wunn he de Juniorenmeesterschap vun de UdSSR, 1983 wurr he Tweete bi de Juniorenweltmeesterschap, kunn aber die Junioreneuropameesterschap in Groningen winnen. 1986 weer he Meester vun Eestland, ok wenn he to de Tiet Alkoholprobleme harr. Een Johr later hett he sien Studium van Psychologie an de Staatlich Universität vun Tartu afsloten.
En vun sein gröttste schachlich Erfolge weer de darte Platz bi dat Weltcupturnier in Belfort 1988 achter Kasparow un Anatoli Karpow, aber vör vööl Weltklassespeler. Dorneben kunn he 1989 en stark besett Turnier in Reggio Emilia vör Wassyl Iwantschuk winnen. Dat New York Open 1994 wunn he vör sien Landsmann Lembit Oll.
Ehlvest speel bi mehrere Weltmeisterschaften vun de FIDE:
- 1999 in Las Vegas verlor he in de tweete Runn tegen Jewgeni Barejew
- 2000 in Neu-Delhi smeet he Iwantschuk rut, verlor denn aber tegen Alexander Grischtschuk
- 2001 in Moskau keem he bit in de veerte Runn, scheiter denn aber nochmals an Barejew.
Sien aktuelle Elo-Tall bedrocht 2629 (Stand: Juli 2007). Siet den 15. März 2006 speelt he för den Schachverband vun de USA.
Literatur
[ännern | Bornkood ännern]- J. Ehlvest: The story of a chess player. Arbiter Publishing, New York 2004. ISBN 0-9763891-0-X
Weblenken
[ännern | Bornkood ännern]- Portrait bi Chess Life (engelsch)