Jürgen von de Lieth
Jürgen von de Lieth (* 1641; † 1715) weer en düütschen Aadligen un Jurist.
Von de Lieth is 1641 boren un weer Borgmann to Vöör un Arvherr op Stemmermöhlen. He hett Juristeree an de Universität Jena studeert.
He weer von 1674 bet 1690 Assesser an dat Hoffgericht Stood un is denn Assesser bi dat Wismarer Tribunal worrn. Dat Amt as Assesser in Stood hett denn Ortgies Schult övernahmen.
He weer von 1696 bet to sien Dood 1715 Präsident von de Ridderschop von dat Hertogdom Bremen.
Christoph Jürgen von de Lieth weer sien Söhn.
