Isdera Autobahnkurier 116i
De Autobahnkurier 116i vun den düütschen Hersteller Isdera is en in dat Johr 2006 as Eenzelstück baut 2+2-sittiger Sportwagen.
Entwicklung/Produktischon
[ännern | Bornkood ännern]In den Stil vun de 1930er Johren sull 1984 en 2+2-sittiger Sportwagen mit twee Achtzylindermotoren, Automatikgedriev un Allradandriev entwickelt wurrn. Dat Design sull de dormalige klassische Stroomlinienform mit wiet swungen Kotflögeln un Siedenschwellern upwiesen. Mit de Planung hett man all 1984 anfungen, dat Projekt wurr aber en tietlang up Ies leggt. Völ Johren later hett sück Eberhard Schulz, de Ünnernehmensgrünner vun Isdera, denn sien Drööm erfüllt un sien „Pensionärsprojekt“ to Enn’n Brocht. De Autobahnkurier wurr 2006 to Anlaat vun dat AvD Concours d’Elegance in Schwetzingen eerstmals präsenteert.
Vun dat resenhaft Modell (Längt: 5650 mm, Breedt: 1950 mm, Hööcht: 1560 mm, Radstand: 3610 mm un en Gewicht vun 2270 kg) wurr bitlang blots en Eenzelstück baut, dat sück in den Besitt vun de Isdera befinnen deit. Eenig Deelen (Dören, Greepen, Daak, Fenster) vun dat Modell stammen vun den VW Käfer.
-
Siedenansicht -
Heckansicht
Fohrleistungen
[ännern | Bornkood ännern]De Autobahnkurier wurrd vun twee V8-Motoren Mercedes-Benz M 117 mit tosommen 600 PS andreven. En Motor warkt up de Vörder-, de anner up de Achterass, aber in Gegensatz to anner Twin-Engine-Konzepten befinnen sück beid Motoren ünner de vördere Haube. De Höchstgeschwindigkeit bedrocht 242 km/h.
Weblinks
[ännern | Bornkood ännern]
Isdera Autobahnkurier. Mehr Biller, Videos oder Audiodateien to’t Thema gifft dat bi Wikimedia Commons.
- Isdera över den Autobahnkurier
- Tom Grünweg: Rasende Rarität: Isdera Autobahnkurier 116i. In: Spiegel Online. 24. April 2007.